واهدي هذيه الأبيات لزوجتي العزيزه
لا يغرك يا لميس الطيش مـن بعـض الشبـاب
من يظن ان بـك حـلا .. مالـه مثيـل بالحـلا
ذي عيون اللي إلى من لاح له طـارف سـراب
فزّ كله كن عقلـه مـن هـاك الحسـن انجـلا
الحلا ماهو ملامـح بـس مـع ضيـق الثيـاب
مع تقمـص دور خـلا مـن نظـر لـك يذهـلا
يالميس انتي جميله .. صح .. لكن ويش جاب
حسنـك لبنـت السعودية اللـي حلاهـا مفصّـلا
بالمقاس اللـي يخلـي مثلـك وغيـرك تهـاب
خايفـة تدخـل مقـارن مـع جمـال مكـمّـلا
عقـلٍ وثقـلٍ وديـن وشـي يثيـر الانجـذاب
حشمـة مامثلهـا يابنـت فـي كــل الـمـلا
ما مشت درب السفور ولا ارخصت لبس الحجاب
يـوم كـل العـز دحـدر عزهـا فـوق اعتـلا
بنتنـا يابنـت كنـز مـا بـه أي شـي يعـاب
بنتنـا يابنـت كنـز وسـط حـصـن مقـفـلا
من سهـام حاولـت تفتـح لهـا بـاب وبـاب
مـن شياطيـن تمنـى لـو تحصـل مـدخـلا
حاولو نفث السمـوم وقالـو ان هـذا سحـاب
ممطـر يابخـت بنـت مـن سيولـه تغـسـلا
ارسلـو جيـش هدفـه يغيّـر النظـره وخـاب
راح خاسر .. ماقدر ياخـذ مـن البنـت الـولا
هذا هو وصف الجمال ان كان عنك الوصف غاب
اشهد ان مابك حلا .. لو كان لـك سهـم غـلا
وان كانك اعجبتي شباب فمثلهم واكثـر شبـاب
جازم بان الحـلا فبنـت الخليـج أصـل الحـلا