بسم الله الرحمن الرحيم
السلام عليكم ورحمة الله وبركاته

جرح من منافق:

يعــــــــــــــــاتبني يقــــول اني بظهره دايم اتكلم
صدمني واحترق قلبي وحـــــــــارت كلمتي بالفم
سكت ومـــــا لقيت اللي اقـــــوله مثلي مثل ابكم
انا يا صاحبي ما ادري عن اللي صـــــــــار والا تم
تراك بغيبتك غـــــــــــــــــالي تراك بذا الزمن مغنم
أنا وافي معك صــــــــــــــادق ومهما قــالو لا تهتم
انا صــــــــــــــــادق بوصفي دائماً في مدح والا ذم
اشد الظهر بامثــــــــــــــــــــالك إذا احتجت واتحزم
هلا بك كل مـــــــــا شفتك تحيي مــــــايجيني هم
هلا بك نـــور بالدنيا الا شفت الزمـــــــــــــان اظلم
أنــــــــــــــا.... أحب بك دينك وأخلاقك وزود الفهم
و من نــــــــافق عساه بنار في وسط الحشا تضرم
الا يـــــــــــــــا جعل به ريقه يعوّد وسط جوفه سم
الا يـــــــــــــــــا جعل كلماته مثل نار(ن) بوسط الفم
الا يــــــــــــــــــــا جعل دمعاته تحدر من عيونه دم
الا يـــــــــــــــــــا جعل له ولده يزيده في حياته هم
والا من مــــــــــــات في غيه عساه بقبره مــا ينعم
متى يـــــــالجاهل اللي مــــــــــــــا يخاف الله تتعلم
وتعرف انك بهرجك تسبب جرح مـــــــــــــــــا يلتم
عسى جرحي بوجهك عار يبقى في الزمن بك وشم