عسى مازعلتك البارح وزودت الجراح جراح
عسى مامرت الدمعه على أهدابك من أسبابي

وجرحتك من كثر شوقي وخليت الكلام رماح
ولادري شلون ياعمري طعنتك حيل بعتابـي

و بدون شعور صدقني ترى كثر الغلا ذبـاح
تعال وشوف بغيابك غلاك شلـون سوابـي

حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي

غيابك يشغل عيون الزوايا وأمتلـي أشبـاح
وأنا انثر صوتك بقلب المكان وأشعل أبوابـي

تلفت للأمل دام الرجا في عمـري الملـواح
أناديلك ولو شرهة وصولك تقطع أعصابـي

أبيك الجاي من عمري أنا مابيك شـي وراح
مدامـك أجمـل وأخرمدامـك أول أحبابـي

أبي أرتاح ياعمري أنا ادري هم تبي ترتـاح
دتعال وقبل ما أفرح ترى تفرح بـك ثيابـي

أحبك يابعد عمرالحزن والجـرح والأفـراح
أحبك كثر مانامت عيونـك داخـل أهدابـي




سالم سيار