عـام 90 هجــريه نويت اـلزراعه والخـــــريف
ابتديت اجمع العدة من الارشيه حتى الغــــروب
افتكرت الـــذره في الدار واخترت مدّين(ن) ذرو
انا ماني بناسي للدجـــر ربـع يكفي من الخليــج
لان باقي في الوادي ركيــب الجــــديره والعمـل
نقــرب الجـــو مع اللّــومه نوثق رباط المقـرنه
اما ثيران بالاجــــــره من الـــدار والا البركــــه
بعد ما نعمــــل التربه نعـل العمــــل ثم ندمسي
مدمسـة عـرعـر من العــــام والا ســدر متقدمي
ثم ناجي على الفلجان نقسّم وبالمقصب نقصّب
صبـــح ثاني يوم نقــــرب عـــــداد الماء نهوله
الرعــال مركبه والســــــهام أطـول والاقصــــر
تربط القتبــــان سبتـــة بطـــان على صبيـــــح
مثل ما يربــــط قتــــب سبتة بطـــــــان لحبيش
نقـــرب المحّـــــــال تحت الرشاء بين السـهوم
فين دراجـــه تســـاعد تصب الماء على القـف
بعد ما تربــــط مقــاط الغــــروب على القتوب
فيه حلقـــه للرشـــاء تمسـكه وحلقــــة مقـاط
ما تســــوق الا الصفيفـــين ما نبغى الفـــريده
ترتوي الفلجــــان والقـف مع سوق القصــاب
غير من يارد ويشـــرب يعـــد المـــــاء بقربه
سوقنا من صـلاة الصبح يبدأ وحتى المغربية
من المقــــرّب للرداعــه ورى الثـيران نسقي
غــيرنا مثلنا شد العزيمه وصوت الماء خريره
الهناء والســعادة في الــزراعه وفي وديانهـا
ــــــــــــ