عطني من الليل ســــــــــاعة

حياالله اول غلا مسكنه بأعماقي
اللي حرمني زماني من مواصيله

سبحانه اللي جمعنا عقب الافراقي
كل شي يصعب وبيد الله تسهيله

يادنيتي ياغلاي ومالك اشواقي
شوفك ينسيني الهم وغرابيله

عطني من الليل ساعه واحجب الباقي
اخاف ماعاد اشوفك عقب هاالليله

مايكفي افراقك اللي سبب احراقي
أوشوفة الوضع تغني عن تفاصيله؟

صحيح فيني جروح وضاقت افاقي
لكن فيني من الأمال تحصيله

لاخنت عهدي ولاضيعت ميثاقي
دستور الاشواق عندي صعب تبديله

عاملت الأيام رغم الجرح بأخلاقي
وأعطيتها درس فالحب وتهاويله

ان لاح لك في خفا الخفاق براقي
وشفت ان ماعاد بيدي للصبر حيله

جريت سن القلم في واحة اوراقي
وازين البيت واغني مواويله

الليل يطول وانا طولت طراقي
لاوالله الا حليل العاشق حليله

اجامل الوقت وارقب شمس مشراقي
وارجي خبر جيتك وارقب مراسيله

اصبر مع ان المفارق صعب ينطاقي
وأكبر جميله لحظي جابك الليله

باالله هاالصبر مايستاهل عناقي؟
وان شفتها مستحيله ويش تاجيله؟

مشكوووووووووووووووووور اخوي يعطيك العافية جدا رائعه

الأخ الزهراني
السلام عليكم ورحمة الله وبركاته
ابدعت في القصيدة ويعطيك العافية كلماتها رائعة ومضمونها جيّد .

جانا الافغان حفّارة للأعماقي
ناقلين المعدات و الماء هو حواصيله

برتقال السنة هو عالولف راقي
ياصل المملكة بحرا تساهي له

الله اكبر على الحكمة والاشواقي
غربلت رابعة وضحى غرابيله

لاشريت الفواكه اطلب الباقي
من سرى بالليالي قد سرى ليله

وان توقّفت عند البيك خذ احراقي
لجل يسهل معك مضغه وتفصيله

ضاقت افاقكم واتّسعت افاقي
السبب الاطلاع واخذ الحواصيله

المواثيق زالت بعد ميثاقي
ربما اليوم يمكن سهل تبديله

لانزلت الصحيفة ارز الاخلاقي
المعده الفارغة يا ويلها ويله

من سكن بالجبل ينزل وهو راقي
انقطع جهد طلاعه هبط حيله

وصلت رسالتك مابين الاوراقي
ابدوي في الخلا تسمع مواويله

الشاعر الحر يطرق له بطراقي
صابه الهم واصبح من سحاليله

لا نزلنا المضارب وين مشراقي
شد حبل الوفاء قوّة مراسيله

ناس من خفته في السوق ينطاقي
واما بعض الخلايق سهّره ليله

لا لفيت المجازر اشترلك عناقي
لجل جحل العشاء بالليل ناجي لهــــــــــــــــــ