تحيه وسلام

السلام عليكم
علومنا خير وصلاة على النبي
توكلنا على اللي ماخاب طلابه ولا طرد أحد عن جنابه
رب الأرباب ومسبب الأسباب وباعثنا يوم الحساب
والله الله فيما يثقل موازينكم يوم العرض عليه
انحن بخير وفي خير ونحمد الله
ما بدانا ولا علم إلا الستر والله يديمه علينا وعليكم
إلا وغيرها فانحن معكم في هذا المنتدى بقلوبنا ولو ابعدتنا مشاغل الحياه
ومادام منتدانا يظم الخيره من كُتّابه فانحن بخير وعلى خير
انحن مبسوطين من العلوم الطيبه والفوايد فلكل سيف نصابه
ولكل فن آدابه ولكل سؤال إجابه في مجالس منتدانا والله يقويكم
ولا اوصيكم ياهل الأقلام وأهل الأفكار في كل جديد فانتم واجهة قريتنا
ومحل ثقتنا وفيكم البركه الله الله ياعصابة راسي فيما يرفع الرأس
ويزيل البأس ويخدم الناس وينورهم في دينهم وفي دنياهم
توكلوا على مولاكم والله يسدد خطانا وخطاكم ويجمعنا على خير وإياكم
هذا ما عندي من اعلام وسلامتكم جميع
ابوكم الشيبه

الله يحييك ويحي علومك وان شاءالله تشوف كل علوم طيبه في المنتدى وغيره,,,

يالله حيه ارحب يا الوالد

اعز من جاااااء يالله حيه..

الله يحييك ويحيي علومك ويوفق الجميع لكل خير..
لاتقطعنا..مشاغل الدنيا ليس لها نهاية.. وربنا يعيننا وإياك..