قصيدة المكياج

يـا صانـع الماكياج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت أصلي

خليتني اركـض ورا البنت هاذيـك
وأشوفها أجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت أنا أجمل بنت في اللي حواليك
شف حسني الأخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي أشوفك دون مكيـاج يكسيـك
وابغـي أشوفك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وأنا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

ارجوا من اعضأنا الأفاضل الرد ويعطي العافية الجميع

أخي الفاضل الزير أشكر على القصيدة وقد سبق ان طرح الأخ / هاوووي هذه القصيدة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكراً يالزير قصيدة جميلة حتى وان طرحت مافي مشكلة يالحبيب يمكن اول مرة اقرا هذه القصيدة

شكراً للجميع على المرور
يالبدر يعطيك العافية وانا موجود ولاكن لك من يوم الأربعاء لاحس ولا خبر والمشكلة ماهوا منك المشكلة من الساحلي اخذ عقلك

شكراً للجميع على المرور
يالبدر يعطيك العافية وانا موجود ولاكن لك من يوم الأربعاء لاحس ولا خبر والمشكلة ماهوا منك المشكلة من الطعوس اخذت عقلك