قصيدة الشيب (( قصيدة مؤثرة جداً جداً

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



الشيب شفته في المرايه وصــديت
ماكنت أصدق إن ذا الشيب فيه

أثر الزمان يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البليّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه

وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البرية

وقلت توبــــي يا نفس قبل ياليت
ماعـــــاد ينفع ياليت وقت المنية

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطية

وعلـــى الرسول أزكى سلام وصليت
أعداد مـــــــا هلت نزول النجيـــــة

الله الله الله قصيده معبره بمعنا الكلمه وانشادها كان بشكل جميل اشكرك ايها المصنعيه ومرحبا بكم في منتدياااااااااااااااااااااات قرية المصنعه

جميلة جدا هذه القصيدة وفعلا معبرة

ولقد بحثت عن اسم الشاعر فلم اجده 0

شكرا على المشاركة الهادفة 0

شاكرة لكم مروركم الكريم

يعطيك الف الف عافية

قصيدة جميلة جدا .

ودمـــــــــــــــــــت .... بــــــــود

الله يعافيك أخي الفاضل

شاكرة مرورك

قصيدة فعلاً مؤثرة .. نسأل الله لي ولكم حسن الخاتمة

مشكوووور على القصيده الرائعه