من روائع عبدالرحمن بن مساعد

من روائع الامير المتميز عبدالرحمن بن مساعد اقدم لكم هذه المجموعه من قصائده الخفيفه على النفس والرائعه ايضاً :wink:

(الحرامي)

[color=darkblue]إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!

احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص .. !! [/color].................................................. .................................................. .........................................

(نحس)
[color=darkblue] يوم الاثنين اغتنى .. وصار بين الاغنيا ترتيبه الثالث
يوم الثلاثاء الفجر .. مات في حادث


,,,,,,,,


فريق كورة .. دائما ً ترتيبه في الدوري الاخير
واذا لعبوا واستبسلوا .. قبل الاخير
وبعد السنين الممحلة .. جاهم رئيس ثروته كثر التراب
عيّن مدير .. عنده من الخبرة كثير
شال الكبار ولعّب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب


,,,,,,,,

مسكين .. شين وفقير
وفي الدراسة حاول انه يستمر .. ومااستطاع
وضعه صعب ..ابوه مات وهو صغير
وماترك له الا الفقر .. وامه واخته .. والهم من فوقه وتحته
ومالقى لجل الهروب من الضياع .. الا انه يدور وظيفة .. أي وظيفة
ولقى من ضيقته مخرج .. وظيفة دخلها معقول .. يمشـّي الحال لو اعرج
ومرت سنة وسنين ..
والمسكين .. صارت كل آماله زواج
واتزاحمت في داخله الاسئلة ..
منهي اللي بتقبله ؟ .. وليه ؟
وفي يوم مامثله ابد .. شافها .. اجمل من اجمل مارأى
واضحكتله ... مستحيل !! ...اضحكتله
ومشت من اول الحارة .. ولحقها
وادخلت في بيت جاره ..
سأل عنها وعرف ... قنوعة واسمها سارة
تصير اخت لمرة جاره
ارسل لها اخته .. تجس النبض
جت البشاير
راح لمه .. وفرحته كبر السما والأرض
وافقت !! .. ابشرك يمه .. لقيتها يمه
سارة اخت حصة مرت منصور ..
ابيها وهي تبيني .. وابغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله امه :
يا ولدي .. بس هذي اختك في الرضاع.[/color].................................................. .................................................. .........................................

(عجب عُجاب)

كثر الفقر ماله
كل ٍ يبي قربه ورضاه
رغباته قوانين وزلاته صواب
الناس حوله من شمال ومن يمين
يأمر .. يطاع
الدول تحسب حسابه
والكل يخشاه ويهابه
لكن مريض ياعذابه
ممنوع ياكل لو أكل جايز يموت
عجب عُجاب
طيبة قلبها أبيض سحاب
أخلاقها مامثلها .. أخلاقها
أخلاقها تنتظر عشاقها
ومايجون .. !!
ياهي جريحة .. طيبة .. لكن قبيحة

عجب عُجاب
وسيم أنيق شاب .. كسبه حلال مشروع ماجرّب الجوع
ناجح مركزه مرموق
ورغم هذا الحزن ساكن عيونه
ماتت امه .. وحبيبته كانت تخونه

عجب عُجاب

عجب عُجاب
مرتاح الضمير لاسرق .. لاظلم .. لاحسد
عنده قليل أصحاب
قلبه كبير .. بيته صغير
والمرض عن صحته بعيد
عنده ثلاث اطفال
أحمد وإيمان ويزيد .. وامهم
وكثر السماء يحبهم
لكن فقير مالقا لصوته مسامع
مايملك الا طيبته وملح المدامع
ولو مادفع مبلغ حقير
ينطرد هو والعيال وامهم في الشوارع

عجب عُجاب
عبقري في الطب ملحد

عجب عُجاب
شاعر عظيم داخله فارغ

عجب عُجاب
أمير كذاب

عجب عُجاب
ملايين البشر .. تعبد بقر

عجب عُجاب
ماتصلي فرضها .. وتلبس حجاب

ياصاحبي عطني يقينك والظنون
من ودك تكون ؟!
.................................................. .................................................. .........................................


(مجلس رجال)


مجلس رجال
على اليسار مقلـّط .. وعلى اليمين صالة
ضيوف جالسين
قهوجي يلم الفناجين
وينطر اخر ضيف منهم يهز فنجاله
ضيف يقبل من بعيد
يقوم صاحب المجلس طلال لستقباله
شخص جالس على اليمين يهمس لجاره :
" هذا احمد اللي جاي بس ماهو لحاله "
" من معه ؟ "
" يبدولي اطفاله "
ويدخل احمد معه ثلاث اطفال
وعند باب الصالة يستقبله طلال
" السلام عليكم "
الكل يوقف
" هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "
" هلا طلال ..اعرّفك على عيالي .. ابني صابر عمره ثمان سنين .. لاتستحي سلّم ياصابر
بنتي هالة .. ست سنين .. سلم ياثامر على الجماعة .. وش هذا اللي في يدك ؟؟
اه .. سجايري والولاعة "
عبدالمعين يطالع الساعة .. ويهمس لجاره
" كيف يجيب اطفاله ؟! .. محد منا معه اطفاله .. ليش يجيب اطفاله "
ويجلس احمد ويجلس حوله عياله
طلال يقول :
" ما شاء الله .. ياحليلهم .. الله يحفظهم ويحرسهم ويحميهم
ماشاء الله يا صابر : ايش هالثوب الجديد "
احمد يقول وملىء وجهه ابتسامة
" هذا صابر موهوب في التقليد قوم ياصابر قلّد اصالة
والا تدري وري عمك كيف يركض سامي الجابر "
ينطلق صابر لخارج المجلس .. يرجع معه كورة يشوتها .. تنزل من السقف ثمان لمبات مكسورة
احمد يقول وملىء وجهه ابتسامة
" شاطر ياصابر ... شفت ياطلال شقاوة هالعيال "
طلال يتمتم :
" ياحليلهم .. الله يحفظهم ويحرسهم ويحميهم "
" تعالي ياهالة سمعيهم و وريهم اغنية و رقصة الخيالة
لا تستحي يا بنت مافيه احد غريب هذا عمك طلال وهذا عمك مثيب
وهذا عمك عبدالمعين وهذا ..... لا مؤاخذة انت مين ؟ "
- انا عبدالكريم
" عبدالكريم .. تخيّل يا اخي ماعرفتك لانك يمكن ملتحي .... لاتستحي يابنت لاتستحي ..
تدري طلال " هالة نجحت بامتياز "
صوت مدوي ينفجر
" اه ياثامر ما اشطنك .. كسّرت القزاز "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
" ياحليلهم ..الله يحفظهم ويحرسهم ..... ؟؟؟؟!!!!
" وش كنت اقول ايوا طلال كنت اقول هالة نجحت بامتياز اعطيتها البارح فلوس
وقلت لها ياهالة ايش ما تبغي اشتري "
طلال يقول
" مبروك .. مبروك .. ايش تبغي تصيري لما تكبري "
هالة تتفل على طلال .. وتقول :
" ايش دخل ابوك "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
"ياحليلهم .. الله يحفظهم ..................... ؟؟!!!
" تعال ياثامر .. عد لعمك من واحد الى العشرة "
ثامر يبتدي يعد
" واحد ..اثنين .. ثلاثة .. سبعة "
احمد يقول وملىء وجهه ابتسامة
" دايم يعد .. ولما يوصل اربعة يلخّبط "
يالله ياثامر من جديد
يبدا ثامر من جديد
" واحد .. اثنين .. ثلاثة .. سبعة "
" شاطر يا ثامر شفتوا كيف لخبط "
ينفتح باب المقلّط ويدخل النادل شايل دخون
والصالة في حالة جنون
احمد يصفق .. صابر وثامر يرقصون
طلال يقوم
" العشاء .. تفضلوا ..الله يحيكم "
احمد يقول
" يالله يا اولاد الله يحميكم .. اتعشوا اول .. بعدين سووا اللي تبون "
يركض الاولاد قبل الضيوف .. وللمقلط يدخلون
صابر ياخذ برتقالة .. يرميها على النادل .. تطيح المدخنة والدخون
ثامر هناك .. يكسر بياله .. ويرمي شظاياه على اللي ياكلون
هالة ترمي على طلال صينية ... وتاخذ علبة مياه غازية
تخضها .. تخضها .. تخضها .....
وترقص رقصة الخيالة .. وتفتح العلبة
احمد يقول وملىء وجهه ابتسامة
" ايوه ... هذي رقصة الخيالة "
والضيوف في ثياب من المياه الغازية يرفلون
مجلس رجال
على اليسار مقلط .. وعلى اليمين صالة
كل شي فيها ماهو على حاله
قزاز مكسور .. سجادة محروقة .. غترة مشقوقة
صينية هناك مرمية ...
ضيوف مبللين بمياة غازية
على وجه عبدالمعين جرح قطعي . .ومهلبيّة
نادل مصاب بحروق من الدرجة الاولى .... وجروح سطحية
كورة ... لمبات مكسورة
يضهر احمد من المقلط وملىء وجهه ابتسامة
" اكرمك الله يا طلال..شايف شقاوة هالعيال
اقول طلال .. اشكر ام العيال نورة .. العشاء كان رائع .. ماقصرت مشكورة
عشاكم ياجماعة بعد اسبوع عندي ... لازم تشوفو ولدي الصغير ؟!!
اخر العنقود .. منصور .. عمره ثمان شهور .. شيطاني يعقد ..اظن له معي صورة
شوف يا طلال هالصورة .. لاتغرك نظرته .. ترى والله ذكي مره
ما يضحك ولا يبكي لما يبدا اخوه ثامر يعد "
طلال صامت ما يرد
وترتسم على وجهة احمد علامة استفهام ويتساءل في داخله
" طلال كن وجهه متغير ..اكيد احد من هالضيوف زعله
مسكين طلال .. دايم في حاله مايخلوه .. زين جبت العيال سلوه "
ويخرج احمد من الصالة .. فخور بعياله
تارك وراه مجلس .... كان مجلس رجال
وعلى اليسار بقايا مقلط ... وعلى اليمين شبه صالة.................................................. .................................................. ...........................................

( أحمد محمد سلامة )

في زمن وهمي من الأزمان
كان ياما وياما كان ..

سلطنة وسلطان ..

وف يوم من الأيام ..

يتصفح السلطان جريدة ..

موضوع يسترعي اهتمامه ..

أحمد محمد سلامة ..

فـرد من أفراد شـعبه ..

يائس وأوضاعه صعبه ..



في الصبح يشتغل بواب ..

في مدرسة أطفال ..

وفي الليل يشتغل شيّال ..

عنده ثلاث عيال

فيهم مرض نادرعضال ..

ماله علاج إلا فبلدان بعيدة ..



كلفته ما يحتملها وفاقته أصلاً شديدة ..

انسدت الدنيا أمامه ..

وارتأى أن الطريقة الوحيدة ..

لفتح أبواب الأمل ..

انه يوجه ندا .. عبر الجريدة ..

لاهل الكرم .. واهل الشهامة

تبرق .. في عين سلطان البلاد غمامة ..

ويهطل الدمع من عينه ..

يمسح الدمع بكفوفه ..

ويخلع العمامة ..

ويرفع للسما راسه ..

ويقول ..

ياربي الفرد الصمد ..

سترك وعفوك ..

ألهتنا عن الناس ..

أمور الحكم والسياسة ..

ينادي سلطان البلد :



يا حاجب ..

استدعي معالي وزير السلطنة الأول .. رعد ..



يجي رعد .. ويبدي ولاَءه واحترامه ..

ـ صاحب المجد والكرامة ..

سيدي السلطان أمرك ..

ـ أي كرامة يا رعد .. أي كرامة

والمواطن في البلد .. ضايع مقامه ..

اتركك عن هالحكي .. واسمعني زين

هذي مليونين خذها ..

وصلها لمحمد سلامة

أحمد محمد سلامة

خذ الجريدة .. تلقى التفاصيل في الجريدة

لكن اسمع يا رعد .. ما أبي يدري أحد

أحذرك .. لا صحافه .. ولا جرايد

هذي لوجه الله أبيها ..

ويعلم الله .. من وراها ..



ما أبي مدح وقصايد ..

أرتجي عفو الكريم ..

في يوم بالأهوال زايد ..





ـ سيدي السلطان خيرك .. في القديم وفي الجدايد

ربي يجزيك المثوبة .. ويعينك بوقت الشدايد

ـ يخرج رعد .. ويستدعي وزير المال والأحوال ..

مرسال ..

يجي مرسال .. أمرك معالي وزير السلطنه الأول ..

تعال يا مرسال .. فوراً وفي الحال

خذ المليون هذا ..

وسلموه .. للمواطن أحمد محمد سلامه .. من سيدي السلطان

خذ الجريدة .. تلقى التفاصيل في الجريدة

مرسال .. لابد هذا يتم الآن .. فوراً وفي الحال

وبأقصى درجات السرية والكتمان ..

هذي أوامر سيّدي السلطان ..





يخرج مرسال .. ويستدعي كبير الحراّس

فراس .. يجي فراس

أمرك يا وزير المال والأحوال ..

ـ فراس .. تعال

خذ هذي خمسمية ألف ..

سلموها .. للمواطن أحمد محمد سلامه .. من سيدي السلطان

خذ الجريدة ..

تلقى التفاصيل في الجريدة

خذها الآن ..

فوراً وفي الحال سلمها .. وبأقصى درجات السرية والكتمان

هذي أوامر سيدنا السلطان ..

يخرج فراس .. ويستدعي النقيب ..

حبيب ..

يجي حبيب .. أمرك ياكبير الحراس

ـ حبيب تعال ..

خذ هذي المية ألف ..

سلموها للمواطن .. أحمد محمد سلامه .. من سيدي السلطان



خذ الجريدة ..

تلقى التفاصيل في الجريدة ..

خذها الآن سلمها .. فوراً وفي الحال ..

وبأقصى درجات السرية والكتمان ..

هذي أوامر سيدنا السلطان ..

يخرج حبيب ..

ويستدعي مسئول المساكن

مازن ..

ـ مازن .. تعال .. خذ الخمسين ألف هذي

سلموها للمواطن .. أحمد محمد سلامة .. من سيدي السلطان

خذ الجريدة .. تلقى التفاصيل في الجريدة

خذها الآن سلمها ..

وفوراً وفي الحال ..

وبأقصى درجات السرية والكتمان ..

هذي أوامر سيدنا السلطان ..

يخرج مازن .. ويستدعي رئيس الحي ..

اللي ساكن فيه أحمد ..



عبد الحي ..

يجي عبد الحي ..

ـ عبد الحي تعال

خذ هالعشرين ألف

سلموها .. للمواطن أحمد سلامه

خذ الجريدة .. تلقى التفاصيل في الجريدة

خذها الآن .. وسلمها لأحمد سلامة

عبد الحي ..

أهم شي السرية والكتمان ..

هذي أوامر السلطان ..

يخرج عبد الحي ..

ويتوجه لمكتبه في الحي ..

ويستدعي مساعِدُه أمين ..

ـ تعال ياأمين .. تعال .. شوف الجريدة

وخذ الألف هذي ..

سلمها لأحمد سلامه

ساكن هناك .. عمارة في آخر الشارع

جنب مدرسة الكرامة ..

الدور الرابع .. شقة ستة

وديها الآن .. وقل له ..

هذي من سيدنا السلطان ..

واسمع ياأمين ..

احرص على السرية والكتمان ..

هذي أوامر السلطان

أمين واقف ورا باب شقة

أحمد محمد سلامة ..

يدق الباب ..

صوت من خلف الباب ..

ـ مين ؟ ..

ـ أنا أمين .. مساعد رئيس الحي ..

عبد الحي

يفتح الباب .. أهلين وسهلين ..

ـ هذا بيت أحمد سلامه

ـ نعم أنا أحمد سلامه

ـ أحمد محمد سلامة ؟ ..

ـ أحمد محمد سلامه ..

ـ ممكن إثبات

ـ طبعاً أكيد

ـ فعلاً أحمد محمد سلامة

سيدنا السلطان .. موضوعك استرعى اهتمامه

سيدنا بيسلم عليك

وحب يطمن عليك

وكلفنا ننقل لك رسالة :

سيدنا السلطان .. أدام الله أيامه

يتمنى للأطفال عندك ..

كل الشفا وكل السلامة

مبروك يا أحمد تستاهل ..

مع السلامة ..








وسلامتكم

رهيييييييييييييييييييييييييبه.............

وبصراحه عبد الرحمن بن مساااااااااااااعد مرررررررررررره خطييييييييييييييييير.......

خطير لا والله انه حباب
بس منين خرجت انتي لنا ليش ما تكتبين في مجلس جود العطا ولا تدورين على الشهادة
الله ياهب لك عقل من عنده

عاشقة الشهاده ياهلا فيك والله ومسهلا

رهيييييييييييييييييييييييييبه.............

وبصراحه عبد الرحمن بن مساااااااااااااعد مرررررررررررره خطييييييييييييييييير.......

انا معاك واسلوبه حلو وخفيف كلماته سهله انا ما احب اقرا بالشعر او اجمعه بس شعره غييييييييييير .

يعطيييييييييييك العافيه أخويMNS
وصحيح إسلوبه حلو وخفيف ..............

أخوي بااااااااااارود......إسم على مسمى ياليت تغير إسمك عشااااااااااااااااااان تكون أكثر هداوه وتعقل؟؟؟؟‍‍‍‍‍

ومن فين خرجت خرجت من التراب إللي خرجت إنت منه؟؟؟؟؟؟؟؟؟؟؟؟؟؟؟؟

والمنتدى مفتوووووووح للجميييييييييييييييع ......

ماقرات عليه ممنوع دخووووووول النساء ؟؟؟؟؟إلا كات تقيدت......

والحمد لله عندي عقل يزن بلالالالالالالالالالالاد غامد وزهرااااااااااااان.....

وأترك عنك التعصب الزايد وخلك طبيعي أفضل لك.................؟؟؟؟؟‍‍‍‍‍‍‍‍‍

وأما بخصوص مجلس جود العطاء لو أكتب راح تقرأ مواضييييييييييييييعي؟؟؟؟؟؟؟؟؟‍‍‍‍‍‍‍‍‍‍؟؟؟؟؟؟؟؟؟؟؟ ؟؟؟

عقل يزن بلاد غامد وزهران ووين غدا ابوك واخوانك من غير عقول واخذتي عقولهم ان كان خليتي اهلك من غير عقول فلا باس
لا والله وعد سفان المصنعة منتي الا ناقصة عقل ولوكان عقلك يزن ما قلتي كان انك مع جود العطا
ماهو ياذات العقل تداحشن الرجاجيل عاشقة الشهادة ولا الشحاطة
لكن والله ما ودكن الا هذا اذا كنت نسوان تستعرضن بعقولكن الي تزن..... على ما قلتي
وابشرك ما بيزيدكن الا منقصة لكن عند ذا يعرف وشاف امهاتن ذي الواحدة تستحي من محارمها
ما هو من اعضاء المنتدى عليكن وعلى جود العطا يالله وبس وخلي تفصاحك الفاضي
ما بتصلين امام ولا بتاذنين في القرية ولا تغدين قاضي ولا بتسوقين دركتل ولا تحفرين ابيار
الطبيخ والنفيخ عليك وعليه ولا على جود العطا والله لا سوقكن لمجلسها سوق او يخرجوني من المنتدى
او تحط الواحدة منكن موضوعها لكن ما تقعد ترد على ذولا يعلقون على كتابتها من ذاك الخريط
هلا فيك ، يسلمك ربي ، كلامك رائع تحط مووضعها وتتركه وبس والردود في مجلس جود.

تقدر mns تجبلنا حقت وزير السياحة لنفس الشاعر لأنه لي مدري كم ادورها مالقيتها هيه لهذا الأمير إذا ماكنت غلطان.
ومشكور قصائد رائعة جدا

الله يعييييييييييييييينك على نفسك................


شكلك ماتدخل على منتديااااااااات راقيه................؟؟؟؟؟؟؟؟؟؟؟؟؟؟؟؟؟؟

راح أكتب وأكتب وأكتب إذا ربي أراااااااااد في هذا المنتدى ...........

وإذا مو عاجبك شوف لك طريقه؟؟؟؟؟؟؟؟؟؟؟؟؟؟؟؟؟؟؟؟

وأنا أفتخر إني بنت وأدخل هذي المنتدياااااااااااات وارد عليها؟؟؟؟؟؟؟؟؟؟؟؟؟؟

أما بخصوص كلامك...((ما بتصلين امام ولا بتاذنين في القرية ولا تغدين قاضي ولا بتسوقين دركتل ولا تحفرين ابيار ))هذي كلها ماأعتقد إنت بتوصل لها ؟؟؟؟؟؟؟!!!!!!!!!!!!!
والإسلام كرمنا وأعطانا حقوقنا ولله الحمد والمنه...................
إحنا النسااااااااااااااااااء.....مكرمااااااااااااات مصوناااااااااااااااااات ......
يجينا طلبنا لحد عندنا ............لاإن الرجااااااااااااااااااال هم يخدموووووووووووونا؟؟؟؟؟


وأبضا.....((الطبيخ والنفيخ عليك وعليه ولا على جود العطا والله لا سوقكن لمجلسها سوق او يخرجوني من المنتدى ))...........شكلك ناسي إن الطبيخ والنفيخ والظاهر إن بطنك أهم شيء عندك؟؟؟؟؟
المطااااااااااااااااعم والبوفياااااااااااااااااااااااااات ........إللي تااااااااااااااارسه المصنعه أو بمعنى تااااااااااااااااارسه السعوديه....مين يشتغل فيها؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!
والظاهر إنت واحد منهم؟؟؟؟؟؟؟؟؟؟؟؟؟؟؟؟؟

وأيضا........((كلامك رائع تحط مووضعها وتتركه وبس والردود في مجلس جود.))
قلت الله يعينك على نفسك.............هذا مو إسلوب إني أكتب موضوع ولاأرد عليه.....

ياشيخ روح طالع في المنتديااااااااااااااات وبلاش عمى زايد عن الحق؟؟؟؟؟؟؟؟؟؟؟؟

عموما ...أنصحك أولا وأخيرا بتقوى الله وراح تتحاسب على كل كلمه كتبتها في المنتدى ...........والله هو العالم يمكن الكاتبه بنت وإحنا ماندري.............لكن الله العالم......................
ثانيا ......خل عنك التعصب الفاضي............
ثالثا.............ياكثر الأخطاء الإملائيه ......حاول تكتب مزبوووووووووووووووط...
رابعا..........الله يهديك ...
خامساااااااااااااااااااااااااااااااااااااااا....أس فه جدا جدا للأخ الفاضل MNS
إللي خلينا موضوعه نوع من الجدااااااااااااااااااااااال العقيييييييييييييييييييم.....

الاولة ادعي ان الله يعطيك خير هذي الشحاطة
ثاني ما فيه وش كل هذا الغرور وانك مااخطين في الملاء ما يضر اذا انا ما بيقرى لي الا انتي
بعدين م ن س تراها تقول انها بنت بس اظن هذا من جهلك الكبير الي قد حزنه ويمكن انا الول من يقلك
ثالث ترى كلامك كما الملح الى طاح في الماء يميع ما هو كما كلام الرجاجيل
بعدين من فين تجيك حقوقيك الى حدك وانتي وقد عدت تردين على الرجاجيل الا بتاخذينها بيدك وخواتك عدن ملى الاسواق اما ذي تجي حقوقها
الى حدها كان اول لمك وجدتك وعلى مهلك لايرتفع ضغطك ال1000وتغدين خسارة
وسلامتك يا وليدة
عقل يزن غامد وزهران يالله الزم سماك عنا من غيرك بتطيح السما

لقد بلغ السيل الزبا
الاخ بارود المحترم وكل عضو عندنا من ذكور وإناث محترم.
السلام عليكم ورحمة الله
اولا نقدر حرصك وغيرتك لكن ما هكذا يا سعد تورد الإبل
والنصيحة من غير ان تصل إلى حد المشادة ان ما نفعت وإلا فلا يضرك من خالفك فيها.
ارجو منك ان تتعهد الأخوات بالنصيحة إذا ما رايت المسألة بدأت تاخذ مسلك غير جيد اما إذا كانت في الصحيح
فدعهن يكتبن ويكفي انها كتبت في امر معروف وصحيح.
وفق الله الجميع للعمل بهداه.

هههههههههههههههههه مسكين الله يعين اخواته هذا اذا مازالو على قيد الحياة ...

امزح امزح لا تعصب علينا بس .....
والله اني اذا قرات ردوده اجلس اضحك (( طبعا اضحك لك مو اضحك عليك )) صح ان اسلوبه غريب وفيه بعض الهمجية لكن لا تخاف فلديك جمهورك :wink: :wink:

الاخت mns مشكورة وابدعتي بنقل هذه القصايد للمبدع ايضا الشاعر الامير عبدالرحمن بن مساعد الحقيقة انا من المعجبين بقصايده الخفيفة والجميلة والغريبة نوعا ما..
هذا جزء من قصيدة اسمها (( ذبابه )) ...
ذبابة .. مرت على قصر شامخ

عرفوا معنى الأمن .. مما يطبّق عند بابه

ذبابة .. من خارج القصر أقبلت

مرّت فوق حرّاسه .. وعلى مراء ومسمع من كلابه

ذبابة في قصر شامخ .. به يلتقي الأعيان والساسة

مايدخله الا كبار القوم

واليوم !! ... رغم القيود .. رغم الجنود

رغم الحراسة !

ذبابة في قصر الرئاسة

........................
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لا والله اختي ما زالت على قيد الحياة وافدي بطون ارجولها.
لكن علمني وش خرج بك من المنتدى وزدت عودت والله عد قطار الماء يا سعيد انك منقطعت عنه ولا لحظة.
انا ما اكره النسوان الا ذي تداحش الرجاجيل والرجاجيل الملوخة.
ولا يغدي في بالك انت وضرابيك اني ازعل ابدا لجل ما عندي الا نية واحدة

المشاركة الأصلية كتبت بواسطة بارود

انا ما اكره النسوان الا ذي تداحش الرجاجيل والرجاجيل الملوخة.

معك في هذا الكلام الساحل الغربي

استمع الى اروع القصيد ....



اضغط على الرابط :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وذا يقو ابوساعد ولا عود لطلاسم والشعوذة ولا يسمر في مكان مولي يا اخوان.
نعوذ بالله من شر ما خلق .