قصيده مبكيه من ام في دار العجزه !!

وين انت ياحمدان امك تناديك !!
وراك ماتسمع شكايا وندايا @@
يامسندي قلبي على الدوم يطريك !!
ماغبت عن عيني وطيفك سمايا @@
هذي ثلاث سنين والعين تبكيك !!
ماشفت زولك زاير ياضنايا @@
تذكر حياتي يوم اشيلك واداريك !!
والاعبك دايم وتمشي ورايا @@
ترقد على صوتي وحضني يدفيك !!
ماغيرك احد ساكن في حشايا@@
واليا مرضت اسهر بقربك واداريك !!
ماذوق طعم النوم صبح ومسايا @@
ياما عطيتك من حناني وبعطيك !!
تكبر وتكبر بالامل يامنايا@@
لكن خسارة بعتني اليوم وشفيك !!
واخلصت للزوجه وانا لي شقايا@@
انا ادري انها قاسيه ماتخليك !!
قالت عجوزك ماابيها معايا @@
خليتني وسط المصحه وانا ارجيك !!
هذا جزا المعروف وهذا جزايا @@
ياليتني خدامه بين اياديك !!
من شان اشوفك كل يوم برضايا@@
مشكور ياولدي وتشكر مساعيك !!
وادعي لك الله دايم بالهدايا @@
حمدان ياحمدان امك توصيك !!
اخاف ماتلحق تشوف الوصايا @@
اوصيت دكتور المصحه بيعطيك !!
رسالتي واحروفها من بكايا @@
وان مت لاتبخل علي بدعاويك !!
واطلب لي الغفران وهذا رجايا @@
وامطر تراب القبر بدموع عينيك !!
ماعاد ينفعك الندم والنعايا @@

منقولللللللللللله:(

إنتشر العقوق ولا حول ولا قوة إلا بالله العظيم اللهم أرزقنا بر والدينا يا كريم.
تسلمين يا بنتي على القصيده والله يرزقك بر والديك وبر أبناءك بك.

الذي يعق والديه أو أحدهم

فسوف يأتي اليوم الذي يكون فيه القصاص من قبل الأبناء..

والذي يقدم السبت يلقى الأحد..

قال صلى الله عليه وسلم:

[ بروا آباءكم تبركم أبناءكم]..

اللهم ارحم تقصيرنا وتجاوز عنا ياكريم

>> شكراً بنت الديرة على النقل الموفق..