إلى الشاعر ....وعساك بالف صحة وعافيه ولا يهون الإخوان

وعليكم السلام ورحمة الله وبركاته

ما تشوف واحد ما دخل معنى ولا عقب بشيء والله إني مستغرب ماهي عادته (البدر) عساه بخير


النار ما تشبع من أصحاب الضلال
الله ينجــي كــل نفس(ن) مومـنه
الموقف الهايل على اعظام الرجال
كـــل(ن) بمــيزانه وذا قـــد ضمّنه


غداً نلتقي وعلى طرق جديد ولو تخليها كسرات علشان البدر....البدايه من عندك وتصبح على خير.

تعجبني حينما تعلم الصبيان
تعلمهم ليكونوا صحوة الزمان
يامعلم الصبيان قم وافخر ، فانت الشاعر والكل يشير لك بالبنان
الكريمي الكريمي الكريمي ... يحرك المشاعر والوجدان
الكريمي الكريمي الكريمي ... شاعر الشايب والشاب و الصبيان

هدية مني لك .. لله في لله

الأخ ابا سعد
السلام عليكم
انا خرجت الى الانوار الصافية بالاجواد قبل صلاة العشاء وطلعت 11ليلا مريت اخذت وايت ماء ودخلت المنتدى حوالي 1 صباحا متشوقا لما دار بينك وبين الأخ AAALSHAAER بالفعل قرأت ,
الله لايكدر لك خاطر يا فارس المنتدى الشعري , وقديما قالو لو حسب الزراع 000 مازرع فانت لاتلتفت لما يقال . انا اقول بالفم المليان هذا الميدان من يجد في نفسه الكفاءة على ان يقدم شيئا ويثري مجلس الشعر فليتقم والمنتدى يتسع للعديد من الشعار وسنكون مسرورين ومشجعين ايضا .

يا بو سعد قدرك بيعلى لايهموك العيال
النذل ما يرتاح من قولك ولا تستامنه
كم من بياض السن في المظهر دلال
والسم بجذوع السنون تنزف منه
ـــــــــــــــــ
ابا سعد
اغلب ظني ان الأخ البدر بخير وعافية والله العالم ما اشغله :

البدر عازم عالسفر يا هل ترى شد الرحال
مدري السنة للشام يقصد ما حدن يدري عنه
والا شمال افريقيا يطلع قممها والجبال
اما تهامه صيفها مغبّر وشف لك سد عنه
ــــــــــــــــــــ

الأخ الـAAALSHAAER
السلام عليكم
الله معك يالـAAALSHAAER الميدان يحتاج اعتدال
لازاد وزن الجسم قال الطب خفف لك منه
لابد يتناسب مع الطول الوزن ما في محال
ما نعترض عالطب لان الصح نسمعها منه
ـــــــــــــــــــ[/color][/color]

العزيز ابا سعد :

والله يالغالي اني معكم من اول ماكتبت (( حّول على الوديان يانور الشمال )) لغايــة (( كل(ن) بميزانه وذا قد ضمّنه )) .

انني مستمتع بما تكتبه انت والشاعر وابا عبدالله .. أسأل الله ان يحفظكم جميعا من كل شر .. كما اتمنى ان تواصلوا ابداعكم .. فانا لم اعلق حتى لا اقطع عليكم وتكون مشاركتي كالفاصله بين تواصلكم .. والف شكر على السؤال وما سألت الا على من يعزك ويغليك .

كلمات اعجبتني :
يوم ارعدت والسحاب مطل
وبروق بين السحاب تلوح
مدري مطرها علينا يهـل
ولا تروح مع اللي يـروح

الغالي ابا عبدالله :

كلما جاء بخاطري همس الاحبه .. نادى لساني داعيا في موده

اللهم ارض عنه وابسط له رحمتك وادم عليه نعمتك .. اللهم آمين .

اما بالنسبه للسفر فالظروف ماهي على خبرك ولكن ربي يعين ويسهل وتتغير الاحوال وتتحسن الظروف .

يقول صاحب الكسره :

ياليتني في السما العالي ++++ مع الكواكب ارافقـــها
ارتاح من وقتنا الحالي ++++ دنيا يغشــك مرافقهــا

بسم الله الرحمن الرحيم
السلام عليكم ورحمة الله وبركاته

اللي تامر عليه يابو سعد, وهذي البداية معاني من قصيدة البدر.

ونيت يــــــــــابو سعد ونه
من جرح زادت عليه جروح
ودي اداويــــــــــــــه لكنه
دايــــم يراوغ يجي ويروح

الأخ البدر
السلام عليكم
سؤالي عنك دائم عساك بخير .

الأخ الـ AAALSHAAER
السلام عليكم
لقاء صحفي سابق مع الثري / الخاشقجي ......تكلم عن المال وعن رنّة ريال عدنان .

ريال عدنان له رنه
تسمع دويه يجي ويروح
طب المدينة وهو كنه
سرى بليله الى مطروح

نبدأ بزائر المساء فنقول له :

الله يحييك ويكثر خيرك على ما قلت.

ثم نثني بأبي عبد الله ونقول بمثلك ينشد الظهر .

ونثلث بالبدر فنقول : طالما أن تشوف الميدان حامي ليش ما أنتزيت .

ونعود للشاعر فنقول وعليكم السلام ورحمة الله وبركاته جميعاً:

انســى الــذي ما يــجي منه
صالح وفي غيبتـه مصـلـوح
بـــاقـي اللــيالي يـكـيــدنّــه
ومعانــد الـروح ويـن يـروح

اولا / اخي الشاعر :

انت دائما جميل المعاني قوي القوافي رائع المفاهيم .. أسأل الله ان يديم عليك الانس والبهجه.
ارجو المعذره كنت رديت عليك انت وابا سعد في قصيدة ( ياجارة الوادي ) فنسيت ان اذكرك في هذا الموضوع بما تستحقه على مشاركاتك القيمه والجميله .. فلك مني كل الاحترام والتقدير .. وارجو قبول اعتذاري .

ثانيا : اخي ابا سعد :

مره في الديره وانحن صغار رأيت الكبار في سدان الذيب ينزون من فوق الرده في العميله وقلت اقلدهم وانقز مثلهم .. المهم تصدق اني فعلن نطيت ولكن وقعت في السند وفوق الحصى .. بالله قلي لو انتزيت اليوم ياترى وين باوقع .
تحياتي لك يا ابا سعد واشكرك على اهتمامك .. والله يسعدك ..

بسم الله الرحمن الرحيم
السلام عليكم ورحمة الله وبركاته

الله يحييك يالبدر, وتراك بتوقع في عيوننا.

ابو سعد:

عسى طريقك الى الجنّه
ومنــــازلك بين هود ونوح
المشكله مبتعد عــــــــنّه
لكن كلامــــــه غثا وقروح

((الله يحييك يالبدر, وتراك بتوقع في عيوننا.)) أحلى من قصيده


أهل الهـوى نـار فـي جنّه
لو يحلفوا كذبهم مفضوح
مـــا يقـدروا يبـعـدوا عـنّه
لأجل الملاوع عديل الروح

	عساكم على القوة واصلوا العطاء ونحن سعداء بمتابعة ابداعاتكم ودعائي لكم بالتوفيق

السلام عليكم ورحمة الله
مع الحب والتقدير لبدرنا الغالي الذي قفز بسدان الذيب من زمان /

للبدر قفزة وله فنّه
على الهواء هو خفيف الروح
متعود الوثب لكنه
شاف المهاجر وقلّه روح

الله يعطينا خير البدر وقفزاته يابو عبد الله....لاتجي المره الجايه في وسط الصحن.:)


إلى الشاعر في صاحبه المبتعد عنّه


أصبــر علــى الغلــب لو إنّه
خــلاك تبــــــكي وليل تنوح
الصـــبر مــفـــتاح للـــــجنّه
خلّه يسامح وهو مسموح

بسم الله الرحمن الرحيم
السلام عليكم ورحمة الله وبركاته

ابو سعد:

يـــــــا صاحبي خيّبت ظنّه
حلو المعـــاني وزود مدوح
وانـــــــــــــــا اداريه واحنّه
بلاي عندي هدف وطموح

ليت الشاعر / ابو عدنان ( عبدالله حمدان ) يشارك زملاءه ...

لتكتمل المحاورة بنفس المستوى الرائع 0


الله يعطيكم العافية 0