اتحداكم إذا ماتعلمتم انجليزي!!

كيف حالكم!!

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

افرض واحد ضربك على راسك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع


من مايعرف الرئيس ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول الى امه : ماما يالله قوه البيت = قوه قوه = المهم واضح معنها لكم :
go = كوه = قوه
يالله نروح= let is go = ليتس قوه



كف = فيه احد ما جاه كف على وجه ؟؟ اكيد تصفقتم لين دختم وانتم صغار!!

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصا , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس




هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت تعرض في العرضه مع الشيوخ لازم تجيب معك سيف وتنتبه لاتخبط الي جمبك

سيف= save = يحفظ او يحمي او ينقذ = يعني تقدر تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الحريم الله يخلف علينا والله ننحاش وتوصل انه ننقل من الحي كله ونترك له البيت...

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي واخوه ,،،

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه.. ..


طيب وش رايكم كسبت التحدي ولا لا؟؟؟

تحياتي لكم
واتنمى انكم استمتعتوا معي!!!!!

مشكووووووووووووووره عزيزتي..

درس نموذجي فعلا 0


وهذا مايتميز به مجلس التعليم عن غيره من مجالس منتدى القرية في انه (( يمتلك كتّــابا ذوو ثقافة عالية ))... مع احترامي لبقية المجالس النائمه وكتابها الناعسين 0




اشكرك يالمسة ذوق على موضوعك الجميل والطريقة الجيدة في الطرح 0

ماشاء الله عليك دائما مبدعه ودرس حلو

اله يعااااااافيكم،،

مشكووووورين،،

وصدقت يابوطلال هذا التعليم وهذي الدروس ولابلااااااش،،،

بصراحة راح اعلم هنودة بنتي على نظرية وقواعد لمستك يا ذوق مشكووووورة اختي.

الله يعطيك العافيه على الدرس

انتبه يابوهنوده لاتقول فار مر وتخترع البنت ياااااااااانافداااااها العسوله،،

عبد الله: الله يعافيك وإن شاء الله استفدتوا,,

مشكوييييييييييين ع مروركم الحلووووو..

ثاااااااااااااااااااااااااانكس،،

الله على هذا الموضوع الرائع طريقة سهلة وسريعة تسلمي أختي لمسة ذوق
مشكووووووووووووورة

والله كان الانجليزي مشكلتي اللي يئست الاقي لها حل بس مع لمسة ذوق لاتشيل هم كل شي يسهل..

الله يوفقكـ يالـ غ ــلااااا...

واذا تبين دروس خصوصيه ان في الخدمهـ ^_^

مشكوووووووورهـ...