اسمنا واحد وشيمتنـا وفالموقـف حضـور

غامد الهيلا هـل الـردّات وافيـن الشبـور
عزوتي ولبـاس جنبـي فالكبـار وفالصغـار
التهم والباديه والحضـر مـا فيهـم قصـور
كل قيفٍ له مقام وكـل رجـلٍ لـه وقـار
اسمنا واحد وشيمتنـا وفالموقـف حضـور
لابـةٍ منكافهـا معمـر ومغزاهـا دمــار
أهل مجند وأهل مسند وأهل مذهب وأهل شور
وأهل قاله وأهل طاله وأهل منصب وأهل كار
الدخيل مزبّنينه والخـوي عـن كـل جـور
وبالوفا والمقدره يشهد لهـم ضيـفٍ وجـار
وفي مداقيل الحروب اللي على فلج النحـور
ما تقـول ألا شياطيـنٍ علـى قـب المهـار
الفعول لْها ايمـانٍ والحمـول لْهـا ظهـور
عودهم فتّال شور وغمرهـم شبّـاب نـار
في حمى هيباتهـم تامـن طواريـف السبـور
وتحت ظل سيوفهم ترعى مشاعيـف البكـار
لابتي والمدح فيهم من علـى الجـد مْخبـور
من قبل بعثة رسـول الله لنـا نـار وشنـار
ارتكزنا في ربـى الباحـه وشيّدنـا القصـور
من تربه ليا البحر نارد جهـار مـن النهـار
بالسيوف وبالصفوف وقوف والقصر مْعمـور
في ذرى الله ثمّ فـي هيبـة طويليـن العمـار
مجدنـا وأمجادنـا تفنـى الليالـي والدهـور
ما تغيب ,, وفعلنا يؤخـذ بعيـن الاعتبـار
والمسرّي ما نظم قافه علـى سبـع البحـور
غير قدر اللي لهم فالقلـب حـبٍ واقتـدار
غامد الهيلا هـل الـردّات وافيـن الشبـور
عزوتي ولبـاس جنبـي فالكبـار وفالصغـار
قدرهم صخّرت قيفاني وهدّيـت الصخـور
وفالختام انهي الكلام اللي بديتـه باختصـار
ما تربّع في مجاليـس الصقـور ألا الصقـور
ولا يبيّـن فاللـزوم ألا القرانيـس الحـرار