تدري وش اللي يجرح القلب

تدري وش اللي يجرح القلب جرحين ××× ويمد حبل الحزن فيك ويشــــــــــــده


انك تناظر طفل من غير ابويــــــــن ××× يمشي ودمعه سايل فوق خـــــــــــده


منظر صعيب ويقسم القلب قسميـــن ××× لا قام يمسح دمعـــــــــه بكف يـــــده


يمشي ولا يدري طريقة على ويـــــن ××× لين التعب مـــــــن كثر ما تاه هـــده


اثقل حروف يشيلها فيه حرفيــــــــن ××× لا أب يدريبــــــــــه ولا أم تــــــرده


في خطوته رحلة ودمعــة وسكيــــن ××× وحظ توسد بالمراســــــي مخـــــــدة


جيت اسألة بالله قللي ولــــــد ميـــــن ××× وبغي يجاوب وختنق صـــــوت رده


أنا يتيم وما لدربـــــــــي عناويـــــــن ××× وجزر الحزن فيني يساوي لمــــــــده


وطعم الطفولة ما عرفته لها لحيـــــن ××× وثوب السعادة صرت مانيب قـــــــده


ابكي إلى من شفت غيري سعيديـــن ××× لين البكا فيني يوصــــــــــل لحــــده


واقفي ورحت امسح دموعي من العين ××× وعيني تناظر دمعته فـــوق خـــــده


وهذا اللي يجرح القلب جرحيـــــــن ××× ويمد حبل الحزن غصب ويشــــــده

مما اعجبني وحبيت انقله لكم