....حقيقة اعجبني قوة رد فتى الصحراء وراح تعجبكم
اترككم مع اقوى واجمل رد في باحة شعر ابدوي لا حب ما هو بكذاب :
قالت ترى منت زين قلت رجـال
والزين ماهو من شروط الرجولـه
================
الزين يلقى عنـد لباسـة الشـال
والرجل زين من زانت فعوله
================
قالت علامك تلبس شماغ وعقـاال
انت بدوي؟ قلت بدوي ومن حموله
================
ما ألبس بناطيل لها الوان واشكال
وامتر الشارع بعرضـه وطولـه
================
قالت اجل راعي معاميـل ودلال
شرب القهاوي تحسبونـه بطولـه
================
قلت اسمعيني وأفهمي كل الاقوال
تمعني في كل حرفن اقوله
================
كيفي يابنت الحضر دله وفنجـال
وحليب خلفـه بالمـراح معقولـه
================
وحب الكرم والجود وعلوم الابطال
مغروس فينا من زمـان الطفولـه
================
قالت ترى بنت البدو حظها مـال
قلت احذري حذرا تكوني جهولـه
================
زينه على كل المزايين تهتال
مثل القمر ينشاف ولحد يطوله
=================
ماتنخدع في كل ماكر ومحتال
اللي لهم بالسوق صوله وجوله
================
بنت البدو يابنت مضرب للامثـال
فوق الجمال وطاعة الله خجولـه
================
ماحطة اصباغ ولا حطت ظـلال
ولا سيرة بالسوق سيـر مهبولـه
================
هي مهرة تصعب على كل خيـال
وانتي ومثلك عسفهـن بالسهولـه
================
قالت تغزل بي وشف حبة الخـال
ناظر عيوني والرموش الكسولـه
================
قلت العفو مايجتمع حـب وهبـال
ولكـل ذوق في المـــزاييـن جـولـه
================
قلتي وقلت وكلمة الصدق تنقـال
الزين ماهو من شروط الرجولـه
07-20-2009, 01:52 PM
حضرية تكيد بدوي تحبه
العرض الشجري