الكهله رجعت بعد غيبه

بسم الله عليه من كل عين ومن كل حاسد**** ان الله يحينى

نحانى عدة لكم من كثر مارجيتونى وين الكهله وين الكهله ****
الله واكبر نحى المنتدى تغير عليه شكله او انا خرفت ونظرى ضعف ****

كيفكم ياسفانى وكيف مساوين سرحتم بالهوش والغنم وإلا بعد . وانتنا كيفكم يابناتى ها كديتن كعشتكن قبل ماتعدين المنتدى

عاد اسمحولى جالسه اتفاول وممدده كراعينى. معي صحن خوط وشوية فريقة وأيدام بامية وشوية دجر الله يدفع بي عنكم .

انى ادرى ودكم تعرفون وين غدوبى عن منتداكم..

افلحت لندن مع ولدى علشان يسير يتهرج كماهم انجليزى وهبطنا عند عائله انجليزيه واعطونا غرفه وسكنا معاهم معهم بنت ولده شعرها مفلت وبطنها عريان وامها وابوها هاك مايهرجونها المهم عاد قلت فى نفسى ليه ما اربيها واخذ فيها اجر رحت غرفتا ولقيت عندها ذاك الولد .قلت وذا تسوون ياملاعين الجدف مافهمو عليه واثار امها سمعتنى وانا اصيح عليها جت وشافت بنتها وذاك الولد مع بنتها فى الغرفه عاد قلت فى نفسى بمسكها لا تروح تذبحها قامت صكت عليهم الباب وسحبتنى من يدى ودخلتى غرفتى قلتلها وهيه تسحبنى الله ياهبلك بلا الله يصيبك بلا تخلين بنتك مع الولد فى الغرفه الله يكسر حضك.

المهم رحت وقلت لولدى علشان يقل لابوها علشان يكسر ارجولها قال ولدى الله يهديك يامه هذولا كفار ومابعد الكفر من ذنب قلت وذا تقول اخليهم والله اروح استحبها من كعشتها وانتزى فى محاملها قال فرخى ويحطونك فى السجن قلت هيه اجل نشفلنا بيت عائله ثانيه ورحنا عند عائله ثانيه ونفس المشكله .

اما الشوارع الله لايوريكم الحريم عارين مافوق الوحه لاعبايه وحتى الملابس مافوقها المهم انى صبرت صبرت كله علشان فرخى يسير يتهرج مثلهم ويوم اصبح فرخى يتهرج قلت اقلاك هيه اما ذلحين ماعادنى جالسه هنيه .

يوم عدت مسافره قالت لى الحرمه( الانجليزيه)(بالهجه الغامديه) هيه سامحينى يخته ولاتنسين ترسلين لى الخوط والدجر الي حكيتنى عنه قلتلها ابشرى اعطينى الادرس تبعك ويومين وانا سند تو يوا .......

نسيت اقلكم ان العائله نسيت الانجليزى....ونسيت اقل لكم انى ركبت طقم اسنان
هذى علومى وسلامتكم وثانك يو ....