هــــــــــــــــــــــــــــــويه

هويه ماتسوون مجلس هروج او مجلس الكهله ...وتاهبونى مشرفه وانى مابقصر
وخذو منى هذه الحكايه يوم انى سافرت اليابان
ولدى بيسافر اليابان وقل يمه تروحين معى قلت وليه يافرخى ماروح معك وذا عندى من ضيعه قل هيه جهزى نفسك قلت فى نفسى وذا اخذ معى وانا مسافره هبطت السوق وتمقضيت واخذت ثفا وشويه دجر وماهلا صغيره غلف وشار وعشرطاقات قماش وبخور قلت اكسى فيها من هناك اليابانييات.

وعودت البيت وجهزت الشنطه وفى اليوم الثانى ولدى فى حرايه وانا اسلم على الجيران ووادعهم وقلت ان كان فى احد وده يروح معنا الطياره كبيره وذا بيرزانا المهم ماحد زاد جا معنا وصلت المطار مع فرخى وركبنا الطياره وجلست انا و فرخى فى اول الطياره ( الدرجه الاولى ) قلت لفرخى هويه ماتردنا ورى علشان لو طاحت مايطيحون فوقنا . ردى عليه وقال يمه اذا طارت الطياره اذا ودك ترجعين على كيبفك قلت هيه ماعليه المهم ان الطياره اقلعت وسرنا معلقين فى الجو وقلت هيه اما ذلحين باقوم ادرج فى الطياره .ويوم انى ادراج لقيت عشرين من الركاب توأم قلت لولدى قال بعد تشوفين زيهم كثير فى اليابان المهم وصلنا اليابان ونزلنا المطار واذ المطار كلهم يتشابهون المهم سميت على نفسى وركبنا السياره ورحنا سكن خاص.

وفى السكن وحنا معدين مع الباب نوطى روسنا حتى داخل البيت اذا وقفنا وطينا روسنا وكل شى فى البيت تحت يدى وحولينا من قصفه وصغره هذا يقولون انه اكبر بيت . المهم فتحت شنطتى الحديد وماحد معه مثلها فى المطار حتى ان فى ناس صوروها المهم خرجت غلفى وكل مقاضيه .

راح ولدى جاب لنا غدا وقمت حطيته فى السفره ولقيت معه اربعه عيدان وجلست اطل فيها واقول فى نفسى وذاهى حقته يربى المهم جا ولدى وجلس وقلت له وذا تيه قال ملعقه ياكلون بها قلت لولدى منت بصاحى.عاد خلصنا غدانا وراح ولدى عمله وقلت اروح انا اسير على الجيران اتعرف عليهم واخذت معى طاقتين من القماش والبخور علشان اكسيهم . خرجت واخذت عبايتى فوق راسى ورحت دقيت على الجيران وكل مافتحوا ليه الباب صاحو وسكرو الباب فى وجهي المهم مادريت اذا الشرطه والونانات كلهم عندى وخرجو الجيران يشارون عليه.مسكونى وركبونى سيارة الشرطه وودونى المركز حقهم يكلمونى (شنق شنق شا شا شوا شيييييييييييينقوا) وانا مدرى وذا يقولون قلت الله ياخذ طموركم مدرى وذا تقولون.وشويه وذا واحد يقلى انتى عربيه قلت الله جابك ايو انا غامديه من قرية المصنعه تعرفها قال ماقد سمعت فيها قلت كيف وعندنا واحد لو قلتك منه عرفت القريه قال مين قلت شيبتى قال وايش اسم شيبتك قلت اسمه شيبتى قال مابعرفه .قلت اجل امك داعيتلك قال انتى عارفه ليه جايبيتك هنا قلت لا قال بحجة انك ارهبتى الجيران وكنت تدقين الباب عليهم ولقيو معك ممنوعات قلت انى اقصد اسير علهم قال هنا ممنوع الزيارات فى البيوت قلت طيب ويشى اسوى قال انا شرحت لهم ووافقو اطلاق سراحك وحجر الممنوعات واخذ عليك تعهد عدم ارهاب الجيران ومحاولت دخول بيوتهم او زيارتهم.قلت الله يقطع ايدى ان كان زدت دقيت علهم.. قال وقعى قلت ابصم .زادو ودونى البيت وفتشوه ولقيو غلفى واخذوه يحللوه قلت ماعليه وراحو.جاولدى قلت بلاش اقله .......وبكره باقى الحكايه