ودعتك الله

ودعتك الله لو على قلبي اخطيت .... وحاربتني من دون ذنب وخطيّه

احسبك تذكرني اذا اصبحت وامسيت .... واثرك على فرقاي نفسك هنيّه

الله واكبر كيف عنّي تخليت .... من بعد ما علقت روحي البريّه

وش غيّرك وش بدّلك ليه صدّيت .... وانت الذي بالقلب نبض وهويّه

من هو بقى لي بعدما عنّي اقفيت .... وقدمتني للحزن اثمن هديّه

كل شي تخيلته ولا يوم ظنيت .... انك لحد غيري ولا نتاب ليّه

ويلك من الله كيف بالحب ضحيت .... قلبك حجر ما حنّ يومٍ عليه

اللي بيننا بعمر في يوم هدّيت .... واحلامنا ما عاد منها بقيّه

تعد غلطاتي اذا يوم زليت .... من دون مدري ...وين ذيك الحميّه

ما فيه معصوم الخطا لو تحريت .... ولا فيه كامل غير رب البريّه

ولو ما احبك ما نشدتك ولا اطريت .... بعدك وصدك وانتخيتك نخيّه

ترجع لقلبٍ يوم بالعقل حبيت ..... وتترك هل الاحقاد واهل الوشيّه

خايف عليك وخايفٍ منك يا ليت .... ما يوم حبيتك وصرت الضحّيه

لا نيب حي بعد هجرك ولا ميت .... ولاني مريض ينعرف بالشكيّه

لكني ادري بحالتي لا ترديت .... ولا ينفع الملتاع طب وكيّه

مالي سوى اللي كلما راح ناديت .... يا كود يسمعني ويرجع اليّه...


أخترتهاا لكم .ٍ.ٍ