عشرين عام ياهل العرف مشغوف.

شبيت شمعة الرجاء في دجـى الخـوف .. وأبحـرت مـع همـي بليـا جـدايـف
وسهرت أفتـش للأسـى كـل مظـروف .. وأعـيـد دولاب السنـيـن الطـوايـف
يـارب عبـدك حايـر الفكـر ملهـوف .. يسألـك وأنـتـه بالمخالـيـق رايــف
هذي دموعـه سطـرت جملـة حـروف .. ترجـم بهـا غيـب الضلـوع النحايـف
غنى بهـا قلبـن مـن الهـم مشعـوف .. على صدى الحـادي بـروس النوايـف
في راس رجمن يالفـه متعـب الحـوف .. وقفـت والغربـي هبـوبـه صـلايـف
وقفـت وقفـة دونهـا يقصـر الشـوف .. ولا طافهـا قبلـي مـن النـاس طايـف
عشرين عامن يا هل العرف مشغوف .. قلبي ولـمــاع الـبــوارق ولايــــف
واليوم يومنـه بـدى الصبـح معـروف .. ياربـي جيـتـك والمـدامـع ذرايــف
يا ربي جيتـك حافـي الرجـل مكتـوف .. تقودنـي يـمـك مطـايـا الحسـايـف
ياربـي جيتـك والنـدم كنـه سـيـوف .. قطـع حشـا قلبـي وشـب السعـايـف
جيتك ولانـي بغيـر رضـواك مكلـوف .. إلا رضـيـت الفـانـيـة لـلـذلايـف
ياربي ما بي من صروف الدهـر خـوف .. لكني من عقـب الخطـا صـرت خايـف
أخاف مـن قبـر بـه الجسـم ملفـوف .. وأخـاف لمـن وزعــن الصحـايـف
وأخـاف لسيـق المضليـن بصـفـوف .. للنـار مـن وهـج لهبهـا عصـايـف
يومن شهـوده بـس رجليـن وكفـوف .. ويمنع عـن الظالـم كـلام الشفايـف
وهذا رابط صوتي لتحميل القصيده بصوت المنشد .


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نسال الله التوبه الصادقه قبل الموت