السلام عليكم
كنا نهار العيد نقوم نصلي الصبح في المسجد ونسلّم على بعض ونعوّد البيت نتجهز ونتلبّس ثيابنا
حقت العيد والسفان يتلبسون ثيابهم الجديده وتشوف الناس طول الوادي مع الشرقه مفلحين
المشهد يصلون صلاة العيد وبعد الصلاه نقوم نعيًد على بعضنا في المشهد ونزور البيوت القريبه من
المشهد ونعيّد عليهم ونعوّد بيوتنا اللي معه ذبيحه يذبحها ونجهّز الفال ويجتمعون العول كلهم عند
واحد يتفاولون ونزيد نتغدى عند واحد من العول ونتعشى عند واحد دغابيس والا من الميسور
والناس كلهم الكبار والصغار فرحانين بالعيد والسفان يتلعبون مع بعضهم واللي معه لعبه يتلعب بها
واللي يعيد على الجيران واللي يزاور أقاربه ويعيّد عليهم ويقول:
اُم العايدين
ويردون: الله يعيدنا وانت
وكنا نعيد على اهل القريه من طرفها الى طرفها من الدار إلى القرنين إلى القرنه كل ناس اربعه
انفار والا خمسه والا أكثر يزورون البيوت ويعيدون ويشرب كل واحد فنجال قهوه ويتلقّط اما حبه تمره
ويغطها في السمن اللي يهنا بالهنا والا من الميسور ويتوكلون على الله ويجي غيرهم والناس
يتقابلون في الطريق ويسلمون على بعض ويتعايدون والنسوان يعيدن على بعضهن والجيران
يتزاورون ومبسوطين وفرحة العيد مابعدها فرحه
سقا الله ذيك الايام
أما عيد تالحزّه......... والا اقل لكم كان من الهروج اخاف يجيلي جلطه من جيل اليوم وعيدهم0
علوم ابوكم الشيبه وسلامتكم
03-31-2009, 05:34 PM
العيد في الديره زمان
العرض الشجري