الله يسامحنا ياولادي

السلام عليكم

الله يرحمنا كانو الناس على ايامنا في جهل وكانو اللي يرشدون الناس قليلين وكثرت بين الناس المناذير والخرافات
وابواننا الله يرحمهم كانو يخوفونا وصرنا حتى انحن نخوف اولادنا
نخوفهم بالمغمّزه يعني اللي يرقد مايتعشا تسري عليه المغمزه وهو راقد تغمز بطنه اذا كان جيعان سرت عليه واذا كان شبعان افلحت وخلته
ونخوفهم بكلب البير واللي يقرب من البير ويتشاوع فيها يسحبه الكلب بمشعابه ويطيحه فيها
ونخوفهم بحمار الظهيره اذا خرج الولد في الشمس يجي عليه حمار الظهيره
ونخوفهم بالسعليه وبكل شي
والمناذير كانت على لسان الكبير والصغير وإذا اخطأ أي واحد تلقاها طارفه:
استملك به
ياسبعه خذوه
انفروا به
بقعا تصوعك
خذوه ياسكون الطيغه
دبّوا من نخاعك وغيرها كثير
وكانو الناس يسترقون لهم ولحلالهم من الجوع ذيك الايام
مانقول إلا الله يرحمنا برحمته ويسامحنا

علم ابوكم الشيبه وعفاكم ومن يسمع