أنــــــــــــــــــــــــــــــــــا ياليل

بسم الله الرحمن الرحيم

الله يمسيك بالخير يالشاعر ومن يقرأ

يعلم الله أنني من الناس الذين يحبون النوم بدري , ولكن فرحتي بعودتك ما لها حد , رجعت من المزرعه وقد بنيت أبيات في خاطري , وكنت أطرّق بها في السياره , يعني الذي يشوفني ما أدري وش يقول لكن إن ظن فيّ السوء الله يسامحه .
سلام الله عدد مــا دار فالســـــمرات بن وهـــــيل
وعدد ماعن لأهــل الكيف ريـــــح الــبن وقـــدوعه
وعدد ما ذعذع النرجس من الحبواء لــحد الـــميل
وعدد ما غنّت طيور الحَبَل فردي ومـــــجـــمــوعه
إذا عاد العزيز بعيد تشوقـــــــــــنا وجــانـا الــــويل
ونبغي من يطـــــــــــــــمنّا يرد قلـوب مفـــــجوعه
عسى الأيام ذي شانت تزين لـــــخاطرك وتـكـيل
من الفرحه ملى دنياك تطــــوّع ما صـِـعِب طـوعه
خبرت الناس يالشاعر وخضت الصعب والتـسهيل
وفي الآخر تجيك علوم بالفـــــشلات مشــفوعه
وهو حال الرجـال اللي هروج ومـــالها تفـــــــعيل
مضت اعمارنا وانحـــــــــــــن علـى تابع ومتبوعه
ترى قولك ومدحك إنت يالعاصي ذهـــــب وأصيل
فشف من كان يستاهل ويلــــــبس تاجك الروعه