بلح الشام للي سألوني عن طريقته

السلام عليكم ورحمة الله ..
انا سويته وكثير طلبوني في طريقته
فقلت انزلها هنا احسن =
هذي صورته ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
*المقادير :
-العجينه :
كوب ماء
نصف كوب زبده
ملعقة شاي سكر
كوب دقيق منخول
ربع ملعقة شاي ملح ناعم
4_5 بيضات
ملعقة شاي فانيليا
-زيت للتحمير : 1 ونصف _ 2كوب
-الشيره : شيره عاديه بس نكثر السكر عشان تكون ثقيله شوي .
*الطريقه :
الطريقه مره سهله ..
اول شي توضع الزبده والماء في قدر ونحطها على النار اللين تذوب الزبده وتبدا بالغليان
وبعدين نبعدها من على النار ونضيف الدقيق المنخول والملح دفعه وحده
>> مع التقليب بقوه بملعقه خشب وفي اتجاه واحد <<
نرجع القدر على نار هادئه مع التقليب المستمر بقوه اللين تصير العجينه على شكل كُره ..
بعدها نبعد القدر عن النار ونترك العجينه حتى تهدأ ونضيف لها السكر والفانيليا ..
وبعدين نبدا نضيف البيض وحده وحده على العجينه الدافئه مع التقليب بقوه بعد كل اضافه
>> انا حطيت 4 بيضات وحسيت العجينه تمام وقفت ماحطيت 5
وترى من جد يبي لها تحريك بقوه !
وبعدها نحط العجينه في كيس القمع وتصير جاهزه للتشكيل ..
* زيت القلي :
نحط الزيت على النار اللين يصير حار ونحط قطعة عجينه اذا احمرت مباشره
على طول نشيل الزيت من على النار ونخليه يهدا شوي
وبعدين نبدا تشكيل بلح الشام في الزيت نلاحظ اننا ننتهي من الكميه قد هدأ الزيت
نرجعه على النار ونرفع الحراره شوي بس ونقلبه اللين يصير لونه ذهبي
ومانستعجل عليه عشان ينتفخ وينضج من الداخل والخارج ..
وبس نطلعه ونحط عليه الشيره ..
وبالهنا والعافيه
>> يمكن كثرت كلام بس والله الطريقه سهله مررره وماتاخذ وقت معاك =)
تحياتي همس الوجدان