أنا والزيود على الحدود

أعطيكم سالفة صارت معي قبل كم يوم >>>> بحكم اني مشجع للسياحة الداخلية قلت بااروح اتمشى جهة الشعب <<<< فاهم السياحة الداخليه غلط
قبل ما أروح انطلقت لسيارتي مسرعا بشويش<<<< لاتدققون !!!! واتجهت مباشرة الى بقالة الصحيفه الي في المحطة وخذت من عندهم عصير الربيع وخذت بسكوت سنكرز ريال هنا وريال هناك
مثل ماقال المثل ((( لاتضع بيضك في سلة واحدة ))) <<<< المثل ماله دخل لكن كتبت مثل ماقال المثل ولاجاء معي الا هذا .
وقفت سيارتي عند المحطة وشلت اغراض الرحلة ((( العصير والسنكرز ))) ومشيت على الشعب
تسلقت وجتني كم طيحة ولكن ولله الحمد سلم العصير اما رجولي تسكلت <<<< يعني جتني جروح طفيفة
لقيت مخرج ينفذ للجهة الثانية ونزلت منه لجهة عين التيس شميت ريحة دخان قلت اكيد فيه احد يدخن هنا <<<< بوليسي
وصلت اخر الغار ولقيت اثنين حلويييييييييييييييييييييييين جدا لكنهم من اليمن السعيد <<<< صراحة الحلاوة في وادي وهم في وادي عليهم اشكال تصلح افلام رعب .
طبعا بقول لكم الصدق بس بيني وبينكم انا والله خفت خوف مابعده اعتبر في مقطعه (( منطقة معزولة )) لو ذبحوني ماحد درى عني لكن فيه طريقة استخدمها دائما عشان ابين للشخص المقابل اني قوي ولاني خايف

اقول ((( السلام عليكم ورحمة الله وبركاته ))) <<<< لكن اقولها بصوت قوي واحرك رأسي يمين ويسار

طبعا ردوا السلام قلت قبل لايقولون طلع اللي في جيبك قلت ((( بالله عليكم تتعشون معنا اليوم )))ابتسموا وانبسطوا قالوا هذا رجال كويس
وانا والله ودي اذبحهم ذبح !!!!
قالوا شكرا احنا ودنا تدور لنا شغل <<<< ((( مكان يعملون فيه )))
قلت وش شغلتكم بالضبط قالوا اللي تبغى نشتغل كل شي وأي شي؟؟؟
قلت الشغل يبغاله عقد عمل والدوله (حفظها الله ) مانعه هذا منعا باتا <<<< ايه هين :cool:
طلعوا الاخوان لهم في القرية ثلاثه اسابيع وشغالين طول الوقت عند اهل القرية في عدة شغلات ولهم يومين ماشتغلوا عند احد وحسوا بالبطالة !!!!
لابارك الله فيكم السعوديين لهم سنين عاطلين !!!!
جلست اسولف معهم وسألتهم ليش تجون من اليمن الى هنا بدون فايدة ؟؟؟؟
قالوا اللي نكسبه هنا في شهر مانشوفه في اليمن في سنه وبالذات هنا <<<< هنا يقصدون بها المصنعه وحزنة الصقاع وشعب الفقها !!!!
اخس يالمصنعه اذا عندكم فلوس سلفوني سلفوني انا مديون سلفوني <<<< هذي اغنية لداوود حسين لاتصدقون
بالعربي يقولوا ماجوا من اليمن الى قريتنا خصيصا لإن فيه ناس يشغلونهم وناس يعطونهم فلوس واغلب القرى يطردونهم !!!!
انا سولفت معهم شوي ومشيت وخذت رقم جوال واحد منهم لاني بادبر لهم عمل <<<< اذا حجت البقرة بس ابغى افتك منهم .
انا اقول لو قطعنا عنهم الفلوس ماعد طبوا علينا .
وعلى فكرة قبل مانسى اكثر شي مزعلني في الموضوع اني نسيت ((( العصير والسنكرز ))) من الخوف عندهم >>>> مطرح مايسري يهري.

اخي العضو بعد قرائتك لهذه القصة جاوب على ماهو آت ولاتندم على مافات :::

ج1؟؟ هل يجوز استخدام العمالة المخالفة لنظام الاقامة والعمل اذا علمنا ان هذا يتعبر مخالفة لولي الامر ؟
ج2؟؟ هل يجوز صرف الزكاة والصدقة لمثل هؤلاء المخالفين علما بأن في وجودهم خطر كبير على القرية ؟

واحب انبه الاهالي لايروحون يتمشون هناك مسوين فيها اقوياء انا وهو انا ووزني حدود 78كجم والعب كيرم وشطرنج وبلوت خفت منهم .

بعدها مباشرة اتجهت لسيارتي وجلست فيها افكر فكرت
بحكم ان باقي في نفسي شويةخوف جلست في السيارة استجمع قواي على قولتهم وسرحت وقلت في نفسي ,,,,


::: متى اشوف قريتي مافيها ولايمني متخلف ومتى اشوف البيوت القديمة هباءً منثورا ً .

:::متى اشوف اولاد قريتي مجتمعين في سهراتهم او طلعاتهم اكثر من 20 شخص على الاقل بدل مايكونوا كل شخصين او ثلاثه مع بعض وطالعين كلهم بنفس المكان
هذي الطريقة اعتقد انها تزيد من الألفة والمحبة <<<< .

:::متى اشوف ملعب خاص بقريتي (((( قريبا موضوع بعنوان ملعب قريتي .... الحلم الذي لم يستيقظ )))) <<<< وش رايكم في العنوان

:::متى اشوف اهل قريتي يصلون كلهم بمسجد قريتي ولايروحون يصلون خارج القرية بحجة انهم سبق وقرأوا الخطبة في كتاب ((خطب الحرم المكي ))

:::متى اشوف الشوارع في كل مكان بقريتي واقدر اوصل لجميع الاماكن في قريتي بدون مادقها كعابي
متى يتفق جميع المتجاورين في الاراضي بفتح الشوارع في اراضيهم وتوصيل الشوارع لكل شبر في قريتي
[B]اظن هذه مهمه جديدة لابد ان نكلف اللجنة بها <<<< . [/B

:::متى نقدر نعطي العجايز والحريم دروس خصوصية في تحريم الغيبة والنميمة والكذب والبهتان
ونشر الاشاعات وخصوصا عند الزواج والا عند الطلاق <<<< هذي اصعب نقطة حاول مرة اخرى وشكرا .

:::متى اشوف الاذان في قريتي والدار والقرنه والقرنين موحد لانهم صراحة يأذنون حسب التصانيف وهذي الفكرة انا سرقتها من الازهر في مصر وادري انها مابتتنفذ وصعب تنفيذها
لكن قلت يمكن واحد شغال في الاوقاف يشوف الفكرة ويروح يقترحها عليهم ويفصلونه .

:::متى اشوف المستوصف وكل المدارس في مباني حكومية <<<< اشم ريحة حسد وش عليك حاسد اهل المباني خلهم يستفيدون
والله انك صادق خلاص مابغى الغوا النقطة هذي .

:::متى اشوف قرارات لجنة القرية واقع ملموس وليست كلام مهموس <<<< انفع مقدم والاعقيد في قناة فواصل .

:::متى اشوف في حساب القرية مليون وسبعة ريال <<<< باب التبرعات مفتوح وصلني سبعة ريال هانت مابقي الا مليون .

:::أخيرا متى اشوف حبايبي في منتدى قريتي يردون على الموضوع ولايردون على كاتب الموضوع <<<< قد سمعت بمثل يقول الحس اذنك .

والسلااااااااااااااااااااااااااام خير ختاااااااااااااااااااااااااااااااام