يقولون مالا يفعلون

ما بقى الا سود الأيام تحرمك الرقاد

كيف الاوهام أتجرا تسريك امغبون؟

من متى تجزع من الدمع.. وتخاف البعاد؟!

من متى تقفي بك ظنون، وتجيبك ظنون

صرت تاخذ [كذبتي صدق][ ومزاحي وكاد]

لو أقول أني بخونك تحسبني بخون!!

ماتعرف أنكل شاعر "يهيم بكل واد"؟

وأنهم دايم يقولون مالا يفعلون؟!

أبك أنا لوقلت:ابنساك وانكرت الوداد

والله أني مانسيتك .. ولاهم يحزنون

من جزع من صفعة الشمس..يطمع بالبراد

ومن فقد وجهاته الخمس ..يلقى بك ركون

إعتبرها هفونة أنسان ..أو كبوة جاوب

لو تسمح، فانت غالي ، ولو تجرح تمون

عد صداتك مروة ، وطعناتك ضماد

خلهن ، لاراحن طعون ، ولا ردن أطعون

خنجرك يستاهل الطعن ومتوني شداد

ومنك يا زين الخناجر ويابخت المتون

رد لي حنيت المزح .. بإحساس الجماد

خلنا واحد يجي صلب والثاني حنون

موت فيني، واندفن فيك.. بثياب الحداد

وان حييت ، اموت لرضاك واحيا بك بهون

مرة ارقد بالكفن ، وانت ترقد بالمهاد

ومره ارقد ، بالمهد وانت ترقدبالكفون

ادري أن اشجونك اشجون .. وعنادك اعناد

والبلا ان عنادك اعناد .. وشجونك شجون

ربك الي سخرك لي .. وماتقاد

والله الخالق ،(ولله في خلقه شؤؤن)

ازرع ضلوعي من رضاك ، وابشر البحصاد

لعنبو لجيت أبرضيه .. وترد له محزون

بس تسوالك بلد؟!. قول:تسوالك بلاد

انت كل العالم بكون ..ولحالك كون

ما بعد محبتك حب، ومرادك مراد

غير كونك سيدحشاي .. تدري من تكون؟

نعمتين أختصوا الخلق من (جود الجواد)

كافل الأرزاق من حيث مالا تعلمون

البنون ونعمت المال.. بعيون العباد!!

زينة الدنيا بلاشك ..في كل العيون

مثل زينة دنيتي.. بس عندي شي زاد

من عرفتك صارو.. (المال ، وانته ، والبنون)

انتشي بك نشوة التيه(لعناق )الرشاد

وافزع لك افزعة القرم(لشهاق)الزبون

واحصنك تحصين الارزاق .. عن درب الفساد

واعشقك عشق المظاليم .. (لفراق) السجون

لوتزيد الشوق (جمرة).. تحولني رماد

لو يزيد العشق (شعره)..بوصل للجنون

خل هقوتك كبيره ..ونظراتك بعاد

كانك أنت أبكبرك تهون مني الي ما يهون

ازعلك ورهن حياتي تحت رحمت ازنا ...

أتهبا... لا والله الا أنت والموت تهبون

عاد أذا لرضاك هرجي ولا الي قلت فاد

(انا لله، وانا اليه راجعــــــــــــــــــــــــون)

وانت باكر بتعرف على ناس اجداد

يجيك من كل شكل وكل لون

لاتحسب كل (كلمه)بتسمعها ... وكاد

ولاتصدق هرج .. شاعر وتخدعك الظنون

دايم أعرف (كل شاعر يهيم ابكل واد)

وانهم دايم ( يقولون مال يفعلون)

حتى أنا اللي قلت اعشقك وماطيق البعاد

يمكن اطلع ماعشقتك ... ولا هم يحزنون

ســــــــــــــلامتكــــــــــــــــــــــــــــــ ــــــم