اقراء المكتوب وانقلها لجولك هذي الرسايل ولابلاش

[الواثق]

أناربتني الدنيا على جزل
العطاوالجود
ونفسي للوفاوالطيب وفعل
الخير جزامه
وأعارض منهج الهابط واوافق
للصعود صعود
واسيرنفسي بعقلي مدام
النفس هدامه
ولاتثري بي البسمه ولا كحل
العيون السود
ولايقوى على قلبي صغير
الحسد وأجسامه
أرد الجود بأمثاله وأقابل
بالجحود جحود
وترى لاخير في رجل يوطي
للردى هامه
وعندي مع هل العليامواثيق
وثلاث عهود
أوفي مطاليبه وأوده وأرفع
أعلامه
أعايش مركب الدنياعلى متن
القدرمولود
أبعرف هوصحيح إن القدر
بالناس دوامه
ومن وين الزمن مقبل والي
وين الليالي تقود
ومن في هالزمن يقدريوجه
خطوة أقدامه
ومن له بالزمن غايه ومن عنده
هدف منشود
ومن منا قدريعرف خفايا
مقبل أيامه
عرفت إن الشقا باقي عرفت
إن الحسدموجود
عرفت إن القدر يفرض علينا
بأسوأ أحكامه
لقينابالعرب حساد وشفنا
بالعرب محسود
وبه ناس لناضامت وبه
بالناس منضامه
{وناقص بعضنا خوه وينقصنا
وفاء}ووعود
مدام إن الحسد باقي وبعض
الناس نمامه
ولاترجى بها الدنيا من ربوعك
يجيك اسنود
ولاتشره على رجل عيونه
خانت أقدامه
وقابل خطوه بخطوه وجازى
بالصدود صدود
تناسى غلطة الصاحب عليك
بلحظة اخصامه
تجنب{كسرة الخاطر}ولوحبل
الزعل مشدود
تراك بكسرة الخاطرحكمت
القلب بعدامه
ولاتزعل على رجل بذل لك
ولرضاك جهود
ولاتامن من الحساد رضاه
ورفعة إبهامه
نبي نصبر على الدنيا قلوب
بالحياه زهود
مدام إن البخت عيت توفق
رمعة اسهامه
وأنا ما قلتها راجي ولااطلب
بعدها مردود
ولكن الفتى وده يحقق
جملة أحلامه
وبمشي لآخرالدنيا ولوكل
الأنام اقعود
وعن وجه الزمن بكشف حقيقه
وارفع اللثامه
صحيح إني صغيرالسن لكن
{قدها وقدود}
وأناعندي مع الدنيا مواقف
ترفع الهامه
طموحي يملي العالم ولابه
للطموح قيود
مدام إن الأمل طبعي عرين
وصرت ضرغامه
خلقنا الله من ترابه ولأحضان
التراب نعود
تحت رمل الثرى نبقى تغطي
جسمنا خامه
سلفنا مالحقناهم تحت قاع
التراب رقود
ولايبقى من الميت سوى
ذكراه وعظامه
ولو طال العمرفاني وترى عمر
الفتى محدود
وكلن يطلب المولى يبيحه
ويحسن اختامه