من ابداعات الشاعر صالح اللخمي / منقول

الـبـدع مــن الشـاعـر / صـالـخ اللخـمـي . / منقول
قال أبو عبـدالله ربـي غيـر العالـم وجـار الجـور
الشيم والعرف والمعـروف باحـت والمذاهـب قلـت
ارخصوهـا لاتفـه الأسبـاب حتـى مـات سوقـهـا
مـا نشـوف إلا العقايـب والطلايـب نارهـا ولعيـه
الطمـع والحسـد فـرق بيننـا واعـمـى قلوبـنـا
قام ابو وجهين يتنصـح ويرمـي واحـد(ن) بالثانـي
واصبح العاقل مكان المتهم فـي حكـم ابـو وجهيـن
واليمين الحانثـه فـي كـل دار ابصـر لهـا جلابـه
ذاك يتقـدم بمعروضـه وذا يشـهـد شـهـاده زور
والولد مـن سـاع يتوظـف ويتـزوج يـزم بروحـه
يطلـب الفرقـى عـن أخوانـه ويتغـانـا براتـبـه
حرمته مثل المحاسب كـل مـا جـا عندهـا بالراتـب
قالت احذر ينصـرف والشيبـه لا يبصـر ولا ريـال
لا جدال ولا إعتراض إلا أبشري وانا على امرك حاضر
مقصده يلمح لما ترضـا وهـي تلمـح لغيـض ابـوه
يا وجوه الخير هيـا نعلـن الداعـي بصـوت واحـد
خيـب الله مـن يبيـع أبـوه ويـطـاوع صبيـتـه

الـرد مـن الشاعـر / محـمـد ابــن حـوقـان .

يا بحور الملح كان الموج يضرب فـي وجـار الجـور
كان حوت القرش يدري عن سفينه نـوح مـاذا قلـت
واحد(ن) مـن ظمـن طقمهـا ونـوح اللـي يقودهـا
يا سفينـة قلـت اصنـاف البشـر والعارفـه والعيـه
تخبـط الطوفـان وتجيبـه مـن الأعـمـاق لوبـنـا
لو تصيب اكبر جبل من صلب ضـلاً منهـدم بالثانـي
قدها ربانها وارست علـى الجـودي وابـو وجهيـن
من طلب علم الفضا من صفحة التاريخ ما جـا إلا بـه
ماهي كلمة تحترق ما بين صـوت الحنجـره والـزور
الجبال اوتـاد الآرض التـي تحـت السمـا مبروحـه
والفـروض الخمـس ياجـي بعدهـا سنـه وراتبـه
وانا مخلص نيتي لله واقضي كـل فـرض(ن) وراتـب
اقدر اطوف الفضـا مـن غيـر رادار(ن) ولا ريـال
ابدوي في البداوه واحضري(ن) فـي بـلاد الحاضـر
كـل مـن حولـي يقـل داروا محمـد لا تغيضـبـوه
ألين من اللين وأقسى منـك يـا حـد النوافـع واحـد
لكن بعـض النـاس مقبـول(ن) بطيبـه وأعصبيتـه