(( منقولــــــه ))
" قصيده أعجبتني"
قصيدة لأي واحد زعلان من خوية.
""""""""""""<"""""""""""<""""""""""<
نزعل ونتكبّر وحنا من الطيـن ......
والكل منا صـدّ لا أقبل خويّـه ....!!
نفخر نقول إنا على الصد قاوين ....
وهيّ علينا في الحقيقـة قويه ......!!
نشفق على الطيبة و كسب الكريمين..
وهذي بنا ؟؟ لاشك فعلة رديه .....!!
ننسى نهايتنا وعلى وين ماشين ......
وننسى الزمان اللي .. جمعنا سويه ..!!
المشكلة ماهي بـ حاجة لـ تخمين ....
ولاهي بعد ياناس صعبة القضيه ....!!
دق الرقم : كيفك هلا فيك وأهلين .....
أنـا الخـوي اللي مزعّل خويه ......!!
قلّه : تغيب وصورتك داخل العين ......
ويبقى لـ حبك في خفوقي بقيه .......!!
أخوان حنا لو يجي بيننا شيــن ......
و مانفتــرق دام المحبة نديه .......!!
خلك قـوي لاتحتـكرك الشياطين .....
قبل الفوات وقبل وقت المنيـه .......!!
كلّم خويك بـــ اطيب الهرج واللين ..
وأعرف جميل الهرج يمسح رديـه ...!!
هذي هي الدنيا من الحين لـ الحين ...
لابد بين الناس تحصل خطيــه ....!!
ومن لايقدّر غلطـة أحبابه الحيـن ...
يقـراء حروفي ويعتبرها هـديه ...!!
باكر تمر سنين وسنين وسنيـن ......
والكل يرحل في الدروب المديـه ...!!
صدقني تندم وأذكر حروفنا زين .......
تندم على خلك إذا غاب ضيّـه .....!!
دنيا غريبـة وأكثر الناس ماشين ....
وكم صاحبٍ والله دفنتـه بــ يديـه
02-14-2008, 12:03 PM
قصيده لأي واحد زعلان من خويه
العرض الشجري