إلى أغلى ما في حياتي

((مهما قلت فيك ستبقي أكبر من كل الكلام))
أشوفِك لي
غطا للرأس
إذا ما داهمتني
الشمس يحميني
وفي قلب الشتاء
إحساس
يد فيني
يقيني من
شديد البأس
أشوفك فرحتي
والعُمْر
أشوفك غيمتي
والقَطْر
وضحكة يومي
الأول
تشرّف
من ثنايا الدهر
وماضيَّ
اللي كان بعيد
وأيامي
اللي بعد جديد
وسهرك
في سكون الليل
وهمك يبتدي
ويعيد
أنا والله ما أتخيل
تراب الأرض
من غيرك
أنا والله
أصف حالي
ولا أنقص
ولا بأزيد
ولو عمري
يصير ألفين
سنه وأكثر
أنا والله
ما أوفيك
سهر ليله
بعمر مديد
أنا والله
أنسى الناس
إذا ما كنت
بوجودك
أشوف إني
ملكت الأرض
ومن غيرك
ولو في طولها
والعرض
ما تسوى
تراب حذاك
يمه
يا صباح العيد
سألت الله
ذا بيني
وذا بينك
يكون يومي
قبل يومك
وتدعي لي
بجوف الليل
عسى
في ملتقى الرحمات
نتجمّع
ونلقى شايب
الرحمن
وفي جنبه
سعيد... سعيد