اكتب بيت شعر بأخر حرف انتهى به البيت السابق .. تحدي ..

من بادي الوقت هذا طبع الأيامي

عذبات الأيام ما تمدي لياليها

حلو الليالي توراى مثل الأحلامي

مخطور عني عجاج الوقت يخفيها

اسري مع الهاجس اللي ما بعد نامي

وأصّور الماضي لنفسي وأسليها

اخالف العمر أراجع سالف اعوامي

وانوّخ أركاب فكري عند داعيها

تدفى على جال ضوّه بارد عظامي

والما يسوق بمعاليقي ويرويها

إلى صفا لك زمانك علْ يا ظامي

اشرب قبل لايحوس الطين صافيها

الوقت لو زان لك يا صاح ما دامي

يا سرع ماتعترض دربك بلاويها

حتى وليفك ولو هيم بك هيامي

سّيور الأيام تجنح به عواديها