انا لصفر سبعه حاجب وبواب

يازارع العناب لعيون الأحباب
زرعك عناك وغيرهم يحصدونه
زرفلت بيبانك وشرعت أبواب
وباب العطا من دونكم يوصدونه
دنيا جحودة سلومها سلب الألباب
ياحالبين الفكر لا لا تجحدونه
ماني بجاهل ترسلونه للكتّاب
ولا ني بهامل بكيفكم تهملونه
نبراس لغامد نشبت أغراب بأغراب
نبراس لغامد رغم من يجهلونه
لعبت بالدنيا وشيبتها وشاب
الخصم والقاضي ومن يدفعونه
لكن بختي بين راشي وكذاب
حتي شرفهم لوقعتي يرخصونه
جملة حثالة دقون وزنود وأشناب
لكني أخفض سعرهم بالمهونة
أنا لصفر سبعة حاجب وبواب
قلبي جنوبي بنبتته مع مزونه
صحيح عقل وللصعب راقي و ركاب
مؤدب السيرة ونفسي حنونة
حيث اني مسلم أحكم الدين برغاب
وأدمح وأسمح لصاحبي في ديونه
ولوكانت الدنيا برمح ن ومشعاب
أخذت خصمي بالجهد والرعونة
لكني أشره على الزمن حكم آكلاب
وقدم لأبن اللأش أكبر معونة!!!!
لكن عضيدي أنت يارب الأرباب
أغفر لعبدك قبل رمشة جفونه
وقبل لبسه للكفن وقبر وتراب
وقبل تطفئ دنيته في عيونه
نبراس لغامد أذود عنها بحراب
لسان صادق وودهم يكلبشونه
لكن معي الله ومن معه الله ماخاب
واذا تعنوا لكوكبي يسقطونه
الشاعر // محمد عبدالرزاق آل مرطان الغامدي
نبراس غامد