قصيدة الجمل قصيده جميله

°ˆ~*¤®§(*§*)§®¤*~ˆ° ( قصيدة الجمل )°ˆ~*¤®§(*§*)§®¤*~ˆ°



سر ياقلم واكتب على بيض الابواك
قصه جمل شاعر مسوي قصيده
اليوم يالانسان يوم الله اغناك
عني رتركب لك بقعه حديده
كتفتني بأسياخ وحبال وسلاك
وحطيتني في حوض دتسون جديده
ودك تعشاني عساها تعشاك
والخير واجد والمصادر عديده
نسيت فعلي ياسود الرأس وياك
وانا خويك بالسنين الشديده
اشيل زولك وانتقل ماك واغطاك
واقطع بك الفرزات لو هي بعيده
اطا على الحنشان وعصون لشواك
وانت على ظهري تغني نشيده
امشي على طوعك ورايك ومشهاك
واليا وقفت تصوطني بالجريده
اوحي الضماء والجوع ومهمني ذاك
ووردك منهال صعب وريده
وابرك بجالك واطرد الذيب لاجاك
مثل الكبير اللي يحاظي وليده
جازيت من يعطيك دره ورباك
وشلون ترخصني بقيمه زهيده
ها الحين ذبحني على فرح عذراك
ذبح الدجاجه فوق قدر العصيده
والله لولا حكم ربي ومولاك
لهبدك لين ادعي عضامك مديده
كنها بالجسم فانا اتحداك
وكل مع الميدان ينطح نديده
اسحنك بزوري لمني امحاك
انا الجمل لاشاف خصمه يكيده
منقول