تغريد القوافي

القوافي في فؤادي غردت لحن(ن) جميل
والحروف اللي اهجرتني كل ابوها عودت

أيه أنا شاعر واتحدى كل شعار الجزيل
والكلام العشق نفسي لا حشى ما اتعودت

والغزل اعرفه واتغزل بما هو لي حليل
نفسي تعاف الحرام ما فيه يوم ترددت

وأعرف امدح وللذم حرفي ما يميل
لو كتبت الحرف جنود ربي إكتبت

الهدف ما هو بمليون(ن) ولا سيف(ن) صقيل
الهدف ربي ونفسي خافته ثم ارتجت

واكفرت نفسي بكل شي(ن) يسوونه مثيل
للإله الواحد الفرد الصمد هي وحدت

ارتجي منه العفو في يوم يزداد العويل
وكل ولد(ن) فر من أب(ن) ومن أم اولدت

يوم عدل(ن) توزن الأعمال ويوفى القليل
والنفوس اللي عصت من هوايله اجزعت

ما رضيت اعيش والله في الدنيا ذليل
لا حشا لله ونفسي حتى ما ارتضت

ولو رضت باعترف إن لي قلب(ن) عليل
وان عقلي مرة(ن) عدل(ن) ومره فيه ميل