المهلي مايولي أخوي ابو طلال
المشراف .. وش بقيت من الذكريات الحلوه ..
كانت فعلا من أحلى ما يذكر .. خصوصا اذا كان المطر يظرب وانحن متحلقين على براد الشاهي والداخنه تبخرنا بخور أحلى من العود ..
واذكر مره كنا في المشراف كالعاده .. ولادرينا الا وسفان الجماعه خرجو علينا بربطة المعلم .. وتقهوينا شاهينا واجو رابظه ولا أروع وفين مايطري واحد منهم كلمة بوص الا والله يوم تغيرت العلوم وكلهم .. كلهم ؟؟ الا كلنا سبحان الله اشتهيناه في وقته .. واتزاقينا كما الجن على المغارس ذاتحت المشراف حقت ؟؟؟؟؟؟؟؟ ودلينا ياحببي ناكل ونحط في جيوبنا ,, ولا درينا لين اصطعق علينا واحد من اهل المغارس ( وشن هنياك هاه وشن هنياك لعنكم الله حومي ياحدادي ) الا وانحن من صله في صله ولاخرجنا غير عند شقر الدوده .. كيف .. الله واعلم
وذكريات المشراف كثيره ما يتسع المجال لطرحها .
أما حكاية المسجل الصغير .. فهذا كان الستلايت حقنا وصلة الوصل بيننا وبين خارج حدود القريه ..
الله يسعدك .
تحياتي
08-26-2008, 08:00 PM
العرض الشجري