ياجارة الوادي

اهداء للحبيب البدر

ياليت بعض الناس مثلي و تشتاق=(( يا جارة الوادي .. و أياك أعني ))

صدك ذبح فيني مفاهيم الاشواق=و اسقى عروقي للفراق .. و زرعني

ما غير واقف لك و اغني على ساق=ابعد بعيد من الخلايق سمعني

القرب دافي .. لكن البعد حراق=تكفى .. بعادك للكآبه .. دفعني

لا تنشد الدمعه عن .. أيام الاحداق=و لا عن الاحوال و البال .. طعني

ما عاد ياسعني مساحه و لا أفاق=من ضيقتي .. ما اشوف شيءً وسعني

كتبني التاريخ .. في صفحة فراق=و بصفحة الاحزان .. جار و طبعني

دخلت .. انا و الحزن .. (غيبوبة عناق)=بعثرتني .. و الحزن عقبك جمعني

مانيب شاعر .. بس صادقت الاوراق=و أصبحت نجم .. و حزني اللي صنعني

لي معجبين .. و لي مكانه .. و عشاق=و لي وضعي اللي فيه ربي وضعني

و رغم اختلاف الناس في بعض الاذواق=انت الوحيد .. اللي بغيت و منعني

انا .. و مالي .. و أثمن كنوز الأعماق=نشريك .. و انت تقول طالبك بعني؟؟؟؟؟؟؟؟؟

الله كتب بأنٌا نحبك .. و ننساق=أتركني أرضى بأمر ربي .. و دعني

انا و قلبي .. نأخذ لقلبك .. سباق=أنشد: وصلنا .. قال : يعني و يعني

و انا ادري انك تملك احساس و أخلاق=أحساسك اللي من عروقي نزعني

وش فيك؟ .. ما تفهم؟.. ترى جٌد مشتااااق=سيف الثواني في غيابك .. قطعني

ياسلام على هذا الإبداع . البدر يستاهل الحب . الله يؤلف بين قلوبكم على ما يرضيه

بـــــــــــــــــــــــــــــــــــدايـــــــــة مـــوفقـــة يالبــــــــــــــــــــــــدر

ومحـــــــــاولـــة رد جميـــــــــــــــلة أرجــــــو الاســـــــــــتمـرار والمحـــاولة بالـــــــرد

علــى كل مــاينشـــــــــر مــن قصـــــائد , ويتــــم نشــــــر الـــرد الجيـــد منهـــــــــا

مـــــع التمنيـــــــــــات لك بالتـــــوفيـــق , ونفــس الكـــــلام ايضـــا لأبـــــو ســــــــالم

آمــــــــل أن نــرى مشــــاركتــــــه بتشـــــجيع منـــك أيهــا البــــــدر الشــــــــــجاع .

المشاركة الأصلية كتبت بواسطة البدر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هذه مداعبه للزير اما انا فلست بشاعر والمعذره من الجميع عن الاخطاء :

لمثلكـم يازيــر واللـه نشــتاق +++++ ياجار بالديــره ( وإياك اعني )
انا بعـد مثــلك وانا فينـي اشواق +++++ وبشوفتك ودي اكحل عيـــوني
ضيعتني بالشـــعر بيحت الاوراق +++++ باشـعاركم حركت فينـي شجوني
انت(هـ) اخو وامكانتك جو الاعماق +++++ خلك من الاشعار لا تحرجونــي
الله يديمك وانت بالخيـــر سـباق +++++ اما اجيك اليـوم والا تجونــي
وسلامتكم .. مع اعتذاري لجميع .

الله يعطيك العافية يالبدر على هذه الأبيات الجميلة والله ماعندي شى اقوله لك غير ان المحبة في الله موجودة وجيرتك والله تنشرى يالبدر .

ويعطي العافية الجميع على المرور .