قصيده لأم اودعت احد المستشفيات

بسم الله الرحمن الرحيم
السلام عليكم ورحمة الله وبركاته

والله لم استطع اكمال القصيدة, فأرجو المعذرة.

جيت اتسلى واعرف اخبـــــــــار جيلي
وقريت شعر الأم فــــــــــــاولادٍ اشرار
الدمع مـــــــــــن عيني نزل مثل نيلي
واحتـــــارت الكلمة وشعري لها احتار
ياجعل دمعة عينهــــــــــــا مثل سيلي
يغرق ولدهـــــــــا يوم عن دربهـا دار
امه تركهـــــــــــــــــــا كن باقفاه ذيلي
لالا تنــــــــــــادونه بغير انت يا حمار
يعيش وحده طـــــــــــول عمره ذليلي
ما ينقبل عذره ولو صــــــــار ما صار
يـــــــــــا جعلني فــدوه لطرفٍ كحيلي
لامي وتحت ارجـــــــولها انثر ازهـار
يامه انـــا باوصف غلاك اسمحي لي
لو ما وفيتك جعلني ادخل النـــــــــــار
يامـــــــــــه حملتيني على كره نيلي
ممن يحبك بعض فعلك والاثــــــــــــار
يامه كبرت وطـــــــول عمرك تشيلي
همي وهم اخـــــــــوي والدار والجار
يامــــــه وش اللي تطلبينه قلي لي
والله لاسعى واطلبه مثل الاعصــــار
يامه انـــــــــا ما اتعب ولا انهد حيلي
اخدمك طـــــول العمرواعيش لك بار
يامه تر افضــــــــــــالك علينا هليلي
مثل المطر لا هـل من فوق الاشجــار
والله لاسهر لك ولو طـــــــــــال ليلي
والفضل لله ثم لك يـــــــــــا غلا الدار