قصيدة في الزوووووووووووواج

[الواثق]

الزواج

سبحان من يرزق بتوع الملاييـن

الرازق اللي ما يخيب الرجـا بـه



لي عم عنده معـرضٍ للصواليـن

أموت واعرف بس من وين جابـه



وإذا سألته قـال بعـت الدكاكيـن

ما يدري إني ما هضمت الإجابـه



الشاهد إني رحت له قبـل يوميـن

في قصره العامـر ودقيـت بابـه



قال ارحب ارحب عدّ ورد البساتين

يا مرحبا باللـي لفـا يـا هلابـه



قلت البقا عـدّ النفـل والرياحيـن

يا شيخ شمل اهل الكرم والذرابـه



قال اسلم الله يحفظك لي من العين

وآمر أوامر حضرتـك مستجابـه



قلت الصراحة طالبٍ قرب غاليـن

ودي تزوجنـي كريمتـك يـابـه



ثنّى وقال اهليـن والله وسهليـن

والكون ترخص لجل عينك رقابـه



لكن ترا عندي شـروط وقوانيـن

قلت اشرط اشرط يا حبيب الغلابـه



قال أولاً مهر العروسـة ثمانيـن

غير الرسوم وغير حق العصابـه



والثانية عمك يبي منـك سبعيـن

رسم الأبـوّة والنسـب والقرابـه



وام العروسة حقها منـك ستيـن

عشانها ست الحسـن والمهابـه



واخوانها كلن يبي منـك خمسيـن

عداً ونقـداً تنـدرج فـي حسابـه



وخواتها الخمس اعطهن من ثلاثين

عشان تتوثـق عـروق النسابـه



وتجيب طقم عيار واحد وعشريـن

وخاتم من الماس المصفى ترابـه



واكياس متروسة كعوب وفساتيـن

ألوانهـا واشكالهـا مـا تشابـه



وموتر بسواقـه وفيـلا بدوريـن

أثاثهـا مـن بطرتـه ينحكـابـه



واحجز لنا قاعة بقصر السلاطيـن

واحجز بهـا رقاصتيـن وربابـه



وامنع دخول اهل اللحى والبزارين

واعزم أميـر المنطقـة بالنيابـه



هذي الشروط اللي على بالي الحين

وذكرني اللي ما حسبنـا حسابـه



قلت اذكر الله يا عـدو المساكيـن

واستغفـره لا يبتلـيـك بعـذابـه



الظاهر إنك منت عارف أنا ميـن

أنا لو ارقا فـوق متـن السحابـه



ما جبت حتى نص درزن مواعيـن

واضحك بكيفك واعتبرهـا دعابـه



شروطكم هذي شـروط المجانيـن

شروطكم شغـل ابتـزاز ونهابـه



شروطكم تقصم ظهـور البعاريـن

شروطكـم همّـن وغـم وكآبـه



شروطكم والله سيوف وسكاكيـن

تذبح بنات المجتمع مـع شبابـه



وين الرضا والعطف واليسر واللين

اللي ذكرهـا الله بمحكـم كتابـه



وين الصفات اللي أمرنا بها الديـن

وين اختفى نهج النبي والصحابـه



يا عم جعل اللي خلقنا من الطيـن

يرد عقلك مـن خطـاه لصوابـه



ويجعل نصيبي عند غيرك قل آمين

ويحسن عزا الصابر ويجزل ثوابه



قال انت لو فكرت تفكير صاحيـن

ما شفت في مجمل شروطي غرابه



حنا بعصـر العولمـة والمزاييـن

ماهوب عصر الفلسفة والخطابـه



الناس تسعى للرتـب والنياشيـن

وانت اهتمامك بالشعـر والكتابـه



والشعر ما ينفعك لو هو دواويـن

ما دام جيبك مثـل بيـت الخرابـه



يا بوك لا تسمع كلام المصاخيـن

واسأل مجرب عاش في وسط غابه



قلت الله اكبر يا محـرر فلسطيـن

من يسمعك يحسبك ذيـب الذيابـه



تراك شايب راس مالـك رياليـن

والبنت ما تسوى جنـاح الذبابـه



قال انقلع مالت على وجهك الشين

لا عاد اشوفـك عندنـا يالزلابـه



قلت ابشر ابشر لكن الباب من وين

...صح لسانك يا الغلا...ابشر بعزك يا الواثق الشاميات على يد من يشيل وببلاش وراح اخذك معي وازوجك !!! قل تم !!!انت ما سمعت شاعرنا اللى قال (((شامية اتصلت غلطانة )))ههههههههههه

ومين قالك تروح لعمك؟؟؟

اللي خلق بنته خلق غيرها واحسن منها ... ..

روح لواحد من الجماعه عنده بنات زي العسل ساكن قدام المنتدى على يمينك وانت رايح منتدى الشعر والشعراء

قصيدة تقهر وان كان فيها مبالغة انما معقوله ...

الله يعين الشباب ...

مشكور ياالواثق ... >>>>>>>>> لايكون انت ؟؟؟؟

==============

تشرنوبل : الشامية اذا تزوجتها تسحب اهلها واقاربها معها وتخليك عالحديدة 0(( افهم يافهيم ))
============
مسك 2008

للأسف البنت مخطوبة لولد عمها وهي في اللفة 0

مشكووور اخووي على القصيدة الي فيها بعض القهر

يعطيك العافيه

الواثــق
قصيــدة جميــلة وبها من الحكم والامثلة المفيدة الكثير , ولعل اغلب الأثرياء هذا منظورهم
تجاه الشباب لمن يتقدم لخطبة بناتهم , فالزواج ســترة وابركــه اقل مــؤنة كما قال المصطفى
صلى الله عليه وسلم . وعلى الشاب البحث ولا ييأس لان الدنيا بخير ان شاءالله تعالــى
الى أن تقــوم الســـاعـة . ويعطيك العافيـــــة

[الواثق]

الله يعطيكم العافيه وشكراً على المرور ورغم ما اعطي هذا المنتدى من مواضيع الا احس نفسي مقصر وماردودكم هذي الا تحفيز لي للبحث عن اهم المواضيع ونقلها لكم للفائدة والله يوفقكم ويوفقني لما يحبه الله ويرضاه.

مشكووووووووووور الحقيقه القصيده روعه..