من رائعه في الغزل للمحضار

سر حبي

سر حبي فيك غامض سر حبي ما انكشف .. إيش خلاني اعشق فيك و العشق كلف
أيش اوقعني في اشباكك وانا عيني تشوف ...

لاتعذبني وإلا سرت وتركت المكلا لك.. إذا ما فيك معروف
+++++++++++
واجهتنا خلف بعد العصر والحاسد خلف .. و الهوى يجري حوالينا يلف الموج لف
و الجبل من فوقنا يشهد وتشهدلي الكهوف..

لاتعذبني وإلا سرت وتركت المكلا لك.. إذا ما فيك معروف
++++++++++
فوق شط البحرحيث اللولي يوجد و الصدف .. و اللقا قد كان صدفة لا جزا الله الصدف
عندما سمحت ظروفك لك وسمحتلي الظروف..

لاتعذبني وإلا سرت وتركت المكلا لك.. إذا ما فيك معروف
+++++++++++
كل واحد مننا ماسك من السكه طرف .. لا هدف لي فيك يظهرلي ولا لك شي هدف
انتهى المشوار كله ماتلامسنا الكتوف..

لاتعذبني وإلا سرت وتركت المكلا لك .. إذا ما فيك معروف
+++++++++++
انت تحفة صاغها الرحمن من احلى التحف .. انت في الدنيا قضيه ما تحملها ملف
وانت احلى اسم في قلبي (سداسي) الحروف ..

لا تعذبني وإلا سرت وتركت المكلا لك.. إذا ما فيك معروف
+++++++++++
بعد ذاك اليوم زاد الحب لي لك عندي و الشغف .. عنك اسأل كل شي حتى الشبابيك الخلف
و انت تغيبت عليا دورت في شمس الصيوف..

لا تعذبني وإلا سرت وتركت المكلا لك ..إذا ما فيك معروف
+++++++++++
حبك استولى على قلبي وحملني كلف .. حب احرمني منامي ما اغمضت للعين دف
حب مهما لك وصفته عنه يقصرني الوصوف..

لا تعذبني وإلا سرت وتركت المكلا لك ..إذا ما فيك معروف

شعر المحضار يغلب عليه طابع الغزل وهو جيد جدا رحمه الله .
والشعر الغزلي يكسوه الجمال والرقة وخصوصا إذا سلم من الفحش والتفحش.
والعرب قد درجت على ان يكون مطلع القصيدة هو ذكر المحبوبة او ذكر الأطلال ومنها قصيدة كعب بن زهير بن ابي سلمى رضي الله عنه بانت سعاد وقد القاها بين يدي رسول الله صلى الله عليه وسلم وبمحضر من المهاجرين والأنصار رضي الله عنهم جميعا وقد قال له من سعاد هذه فقال زوجتي يارسول الله.

يعطيك العافية يا هاوي المنتدى.