يتيم

قبل عشرين سنه وأكثر..
مثل هاليوم
عشت الدنيااا لأول يوم..
ولدت ابكي
ولاقاني الحزن يضحك..
يقول اهلا بضيف اليوم
تعال بجمبي لاتبكي
لاتستعجل وتشكي
وخل الدمعه بيجيهاا يوم
وقعد يضحك!!
واناا طفل معه اضحك
اشوف الفرحه قدامي..
في عين امي..
في اصابع ابووي..
على فمي..
والى هالوقت الحزن يضحك..
وانااا طفل معه اضحك!!

كبرت شهور
وصرت احبي
وكبرت أكثر
قدرت اوقف
أطيح شوي
بس اوقف
أخووي يقول ياحليله
واختي تقول باشيله
والــــــــــى هالوقت
الحزن يضحك
وانااا اضحك!!

وكبرت أكثر
مليت البيت بالفرحه
شعور يطول لكم شرحه
مثل أية طفل يلعب
ويووم يتعب
يطيح كله
بحضن امه
وابووه يمه
وبغفلة وقــــت
بــدى حزنه

يشووف النااس بس تبكي
دموع عيون بس تشكي
طفل مسكين
يتم امه
وهو يلعب
ولاهمه...
ومثل دايــــم بدى يتعب
وغــــير اول
فقد امه
وبس حزنه
بقى يمه

وكبر اكثر
وحزنه صار مثل ظله
مثل عمره
مثل خله
نسى الضحكه
وتذكر حزنه وضحكه
يقول أهلا بضيف اليوم
تعال بجمبي لاتشكي
تعال لاتستعجل وتبكي
وخل الدمعه بيجيهاا يووم

وجــــــــاها اليوم
وقبل عشرين سنه واكثر
مثل هاليوم
عااش الدنياا لأول يوم
ولد يبكي
وكبر يبكي
والــــــى يومك وهو يبكي