وش سويتي اول يوم دراسي ادخلي شاركي

السلام عليكم

كيف حالكم يابنات المنتدى وش مسوين مع الدراسه الي يدرس ودي كل وحده تدخل وتقول وش سوت في اول يوم دراسي عاد على خبري اول يوم دراسي حلو كله جديد الشنطه الجزمه الله يكرمكم والمريول وكله ذاك اليوم سواليف الي تقول راحت مصر والي ماليزيا والي راحت الخارج والي زي حالتي الديره وهكذا اما بعد كذا من تبدا الدروس تسير اخلاق الواحد يالله كل وحده تدخل تقولنا وش سوت في يومها الدراسي عاد انا خلاص راحت عليا

برضه راحت عليه

الله يرزقنا بالوظيفه الزينة وأحكيكم ساعتها

يسلموا ع الموضوع ياقمر

امين وخبرينا لو توظفتي

اداوم السبت واقولك اليوم تنتهي اجازتي السعيده ايه ايه ايه ايه

تيب انتي وش صار معاك؟؟؟؟؟؟؟؟؟؟

حزنتيني انا مايسير معايا اي شي انا كل يوم عندي دوام في بيتي مع بنتي وولدي الله يهديهم ويصلحهم

وااااااااااااااو

أحلى دوام في العالم ماشاء الله

مو زي حالتنا


لاعريس ولا تدريس


يجيب الله مطر

اهلين فيكم حبيت بس اقولكم بدأ وقت الجد, اول شي سويناه قمنا ندور على الدكاتره نشوف هم حاضرين او لا(بدينا بالكسل)وكل ما نسأل دكتوره تقول في محاضره وبكذا تغيب البسمه على وجيهنا السمحه اللطيفه ويوم تدخل الدكتوره تعرف بنفسها وتدينا الخطه الدراسيه وتطلع طيب يوم مو مدينا وجه ليه التعذيب:(, طبعاً ما قصرنا سواليف عن الصيف وبعد ما نخلص كل وحده تقول اللهم انمي صائمه وبعدين عدت الى المنزل وصليت وتلحفت ونمت وهذا احلى شي صار معاي .

لا اقول وداعاً بل الى اللقاء

ههههههه ذكرتيني في يوم كنت ثالث ثانوي كانت معلمة الرياضيات مستحيل تغيب واليوم الي ماتيجي نسوي فيه عيد بس تيجي اليوم الي بعده تاخذنا ثلاث حصص لين مااحس دماغي امتلا ارقام بس السنه الي درست فيها جامعه كانت احلا سنه والدراسه كانت حلوه وسهله بس خسارهتزوجت بعد اول سنه دراسيه في الجامعه وماكملت الله يقدرني ارجع ادرس ثاني واصير

هلا وغلا فيكم ياحبيباتي

ذكرتيني ياميني بالذي مضى

بنات

شكلي أكبر وحده فيكم كلكم

وحده باقي تدرس ووحده ماكملت

اما انا اعترف كهله وخلصت دراسة السنة اللي فاتت
واللحين والله ودي ارجع ادرس من كل قلبي
ادعوا لي عند فطوركم ان ربي يسهل لي ادرس الماجستير

والله ملل البيت

عاد انتي ياميني
زيــي افرح اذا شفت اعتذار على الباب وإلا اذا تأخر الدكتور أو الدكتورة
غير زميلاتي يزعلون يقولون كان قعدنا في البيت
احسن من الدوام والتعب

نصيحه ياميني: عيشي ايام الجامعة بكل متعه
لأنها احلى ايام بصراحه

أما انتي يابنت الديرة
روحي كملي دراستك اذا سمح لك زوجك وظروف بيتك
حتى لو انتساب مثلا

حلو انك تاخذين شهادة الجامعة ع الاقل تدرسين أولادك
لما يكبروا شوي

الله يوفقك ويسهل لك كل أمورك

تحياتي لكم جميعا

يارب ياجود يسهل لك اللي فيه الخير يارب ويرزقك باللي تتمنيه

على قولتك ايام الجامعه مره حلوه رغم انه في بعض المنغصات بس ممتعه .

عاد اليوم كان عندي محاضره والدكتوره والده وما لقيو بديله لين تجي طبعاً بنات الدفعه الجديده اللي توهم جو من المدارس زعلو مسوين فيها دفاره على غفله بس لسه نشوف الترم الجاي وش بيصير معاهم . واحنا المنقعات بنطير فرحه.

احم احم
اول شي اشكرك على ها الموضوع الحلو
ثاني شي انا ماداومت الا يوم الثلاثا طبعا من اول اسبوع بدراسه وبلغصب رحت بعد ..معطيه نفسي اجازه اضافيه وماحلالي النوم الا يوم جت المدرسه والا ايام الاجازه ادور النوم مالاقيه
وبعدين داومت يوم الثلاثا ء كان يوم حلو مره ومااخذنا شي الا تاريخ والباقي فراغ نص المدرسات ماجو والا جو بس مالهم مزاج يعطونا حصص;)
وعاد انا ثالث ثانوي ادبي والله يعين انشالله ويسهل علي ها السنه يارب ويوفق الجميع يارب
تحياتي
نبض القمر:cool:

المشاركة الأصلية كتبت بواسطة ميني عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يارب ياجود يسهل لك اللي فيه الخير يارب ويرزقك باللي تتمنيه

على قولتك ايام الجامعه مره حلوه رغم انه في بعض المنغصات بس ممتعه .

عاد اليوم كان عندي محاضره والدكتوره والده وما لقيو بديله لين تجي طبعاً بنات الدفعه الجديده اللي توهم جو من المدارس زعلو مسوين فيها دفاره على غفله بس لسه نشوف الترم الجاي وش بيصير معاهم . واحنا المنقعات بنطير فرحه.

آمين وإياك ياقمر

عاد الدوافير يحزنون

نبض حبيبتي ذاكري
وخلي روحك حلوة بالمدرسة
ونبغى نسبة ترفع الراس

الله يوفقك ويسهل أمورك يارب