الشاعر * كنعان الطيار

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

يقـول الوايلـي قيلٍ وكـادي*معانـي مـا لها شـيٍ يشادي

تراهـن يطربن صوت المغنـّي*إلى من ردهن لا هن جدادي

ألا يا راكبٍ مـن فـوق عوصى*سنامه نابـيٍ وسـط الشدادي

سـراهـا (للبواسل) لا تقيـم*وبلّغهـم مع البـيضا سـوادي

أصبحـنا وصبّحنـا جـمـوع*بـخيـلٍ مثل سيعـان الجرادي

جـوني عيلـةٍ يـبغـون ذودي*وذودي كلهـا ورث الجـدادي

يبون الناقـة الملحـا ( وضيرة )*عليـها مثل منكوس الفـرادي

( ورودة ) ناقـة الخطّار تبهـل*تـهـجّع كنها يـمي تنادي

تـراها كـل مـا تسمع مدوّه*تـفجّع مـن معاليـق الفوادِ

ألا… ما اهبلك يا باغي نياقي*وانا من دونـهن فوق الجوادي

مغـذاةٍ على حـب الشعـير*ودرّ الخلف طلـقٍ ما يـزادي

ظهرها مـا يزيد عـن الـذراع*سريعـة موج أباهرهـا سنادي

قوايـمها كمـا عمـد الحديد*ولـه صـدرٍ كما باب البلادي

وحاركهـا كما السبع المويـق*علـى الطليان بايـام الكدادي

واذانـيهـا كما كافـور غيد*وعينـه نـار شبّـت بالحمادي

وذيلٍ مـثل منقـوض الجعـود*يـغذّى بالشمطري والزبـادي

وجبهتها كمـا وصف الطلاحي*ومنخرهـا كما كيـر الستادي

وتـاطى بالثـلاث مـوثـّقات*وعلى الأربع كما الادمى تقادي

زمالـت خيـّرٍ تدنـى لسرجه*مـدنـّاتٍ كما فحل الهدادي

ولا تركـب على لعـب المصنّع*ولاهـي للـزز يـوم العيادي

تـزها اللـبس باليـوم الكبـير*نـهار الـكون تذخر للطرادي

عليها فـارسٍ يـرخص حياتـه*يـنوض اليـا سمع حس المنادي

معي سمح الكعوب من البلنـزا*إلى اهوت تودع الصامل بجادي

وضجّ نـزول زينات العـيون*وخيلٍ نـوخت لي باحتشادي

وعـرجـد نـزلهن وانا ذراهن*وصاحن مالـهن غيري عضادي

مخموصات المـواطي والبطون*مـن المطعـوم ما مـالحن زادي

ومـرّيت الغـرو وضّاح الجبين*تنخـى ولا نـخت غيري سنادي

نـور البيـت بالِمقدِم تـصيح*وترجـي فعل حـرٍ بالـهدادي

وانا لعيناك يـا نـجلا العيون*تحلّـي فعـلنا وقـت الهجـادي

وعيـنا بـكرةٍ حلـوٍ لبنها*ترعـى مـا نبـت نبت العرادي

رديـت الكمين علـى المغيـر*كمـا سيـلٍ حدر من بطن وادي

وخيـل الطهر قـادن للهجيج*ونـخـوا فـوزان حمّاي العوادي

وقفـّن بالبواسـل هـاربات*وقـادوا عجّهن غـوش الردادي

************************************************** ***************


اتمنى ان تنال اعجابكم

ارجو التفاعل

يعطيك العافية يالحبيب على هذه القصيده

شكرا على هذه القصه

مشكووور على المرور يا / ThE GLAdIAT0R هاذي مو قصه

مشكوووووور ياحمد والله يعطيك الف عافيه

الله يعطيك العافيه يا احمد ولد ابو احمد

مشكورين على المرور