وش يصير بعد العرس ......))) بالعربي ليلة الدخله

< مواقف عرسان حقيقية... 100%
مواقف عرسان منها المضحك والغريب والمحزن
حركه حلوه
عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , ما تحمل الرجال فيه عرق التفحيط شغال !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......
ولا صحت إلا بالمستشفى , وقضوا أجمل شهر عسل على الاسره البيضاء
(خوووووووووش شهر)





وش تبين ؟
أيضا عريس اخذ عروسته من القاعة , جو أهلها بيسوون لها موكب والعريس
رأسه وألف سيف محد يلحقهم , يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه , والله لو منها استغل الموقف وما أوقفه إلا عند أغلى
مطعم حتى لو أكله شين)


المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!


طبعا السيارة وأكيد البنت انسرقو
( فيه مجرم يتهيأ له سياره فخمه وبداخلها عروس كاشخه ويقول لا !!!!)




مو من هنا
دخل العريس وحط يده على جبهة زوجته ودعاء بالدعاء المعروف والمأثور
عن الرسول , وبعدين صلى ركعتين والعروس تطالعه وهي ---- >
مستغربه وش يسوي هذا!!
لكن استحت تتكلم , ولما جت صلاة الفجر توضأ وصلى , يوم تكلمت
( راح الحياء وبدت الموانه) قالت له : ترى القبله مو من هنا !!!!
( المسكين من العجلة نسى وين القبله !! )




أحفظ زين
عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )



جدول الضرب
عرسان يسولفون لليلة العرس (داقين حنك ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته ( قولي آمين الله يفشلك)
قال : ولا يهمك وجاب ورقه وقلم وجلس يعلمها ( أنواع الروااااقه )
3 في5 = 15 قولي وراي ......................... . هاهاهاهاها هاهاها






فريقي
عرسان يسولفون , سألها : وش هو الفريق اللي تشجعينه ؟؟ قالت : (.....)
قال لها : وع ع ع ع ع ع من زينهم هم ولعبهم أساسا فريقي (.... )
هزئهم في الدوري 3/0 , وفريقي اخذ الكأس 10 مرات وفريقك ما أخذوه
إلا مرتين , واساسا مدربهم ما عنده سالفة , واللاعب اللي جايبينه من برا
ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................


( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا
شيء غريب أن البنت ساكتة انه فريقها يتهزأ )
وبعد ماخلص المحاضرة الطويلة , قالت له : تعال أبيك برا السويت !!
يوم طلعو دخلت وصكت الباب بوجهه ونام المسكين على القنفه (هاهاها)
( يا غبي وش محك لسانك تهزأ فريقها !! كان صبرت كم يوم وبعد كذا
قل كل اللي بطبلونك )



مزحة قاتله
عروسين يموتون ببعض (ماصدقو انهم أتزوجو) , حبت العروس تمزح
مع زوجها صباحيه العرس حطت المسدس على صدره على بالها تقومه
بأسلوب آخر ( خوش أسلوب ) ومن غير قصد منها انطلقت الرصاصة
اللي في المسدس (وطبعا العريس إلى رحمة بارئه) , صدمت البنت كيف
تقتل حبيبها وزوجها وحياتها وأصر أهل الولد أن تقتل البنت مثله( لكن
البنت مازعلت من تصرف الأهل على العكس فرحت أنها بتروح معه )
( وتم دفنهم جنب بعض )




خوش طقه
أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته
( أتخيلها متكيه بفستانها على الثيل ) ههههههااي حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر ينطق طقه
سنعه لحد الفجر لما رجعو أهله !!
( وش القراده هذي )



( للامانة تراه منقووووول )

:p:p:p:p

يسلمو عزيزتي......


احفظ زين رهيبه ههههههههههههههه.....


مزحه قاتله الله المستعان وش ذي المزحه ثقيله........

ههههههههههههههههههههههههه

يسلموووووا يا قلبي على مرورك لا هنتي ياغلا ودمتي بووود

هههههههههههههههههههههههههههههههه
يسلمووووووووووووووو يالغاليه

الله يسلمك حبيبتي

يسلموا على مرووورك يالغاليه