11-24-2009, 11:44 PM
|
#1 |
|
كاتب ألماسي
 
تاريخ التسجيل: Oct 2007
المشاركات: 385
|
يا ناس خلّوا كل وادي ومجراه
بسم الله الرحمن الرحيم السلام عليكم ورحمة الله وبركاته هذه القصيدة للشاعر عبدالله بن سبيّل الباهلي (1277هـ - 1357هـ) وهو من أشهر شعراء نجد... أتمنى أن تعجبكم يـــــــــــالله ياللي تسجد الناس لرضاه يــــــــــــا وامر(ن) خلقه على حج بيته تفرج لمن سده على النــــاس ما ابداه راضي على مقســـــومك اللي عطيته من شي يسلّ الحــــال والجسم يبراه والناس مــــــــــا يشفونه ان ماشفيته قلت آه واجرحــــــــــــــاه من خلّتى آه وان حمّلوني حمل غيّ(ن) قـــــــويته قـــــالوا سفا بالحال ويش اللي اغواه قلت آه ويش المنكر اللــــــــي وطيته قـــــــــالوا جهلت وبــان علمك ولمناه قلت آه علمي يــــــــــــــا ملا ماكميته قـــــــــــــالوا طلبنا لك من الله معافاه قلت آه وحّدته وعفـــــــــــــــوه رجيته قــــــــــالوا هله واحباب عينه نصحناه قلت آه هذا وارد(ن) مـــــــــــــا بغيته قــــــــــالوا ندور لك من البيض حلياه قلت آه لــــــــــــــو غيره بكفّي رميته قــــــــــالوا نشاش العود مالك بلاماه قلت آه عــــــــــــود الموز بيدي لويته قــــــــــــــالوا تزوج كود تدله وتنساه قلت آه لـــو خذت اربع(ن) مـــانسيته قالوا من اقصى النـاس وين انت ويّاه قلت آه مــــا انسى يوم جاني وجيته قـــــــــــــالوا نشوفه عند هذا وهذاه قلت آه عمره مـــــــــاعقب حجر بيته قالوا عليل ونــــــــــاقل(ن) داه برداه قلت آه باقــــــــــرابي وروحي فديته قالوا نشير ولا نفع مـــــــــــــاحكيناه قلت آه هراج النمـــــــــــــايم عصيته قـــــــــــالوا كثر شيبك وقلبك بعمياه قلت آه لـــــــــو قلبي غرير(ن) نهيته مطـــــــــاوع(ن) قلبي بعجفاه وقداه واللي عطى منهــاج درب(ن) عطيته يا نــــــــــاس خلّوا كل وادي ومجراه قلتوا كثير وقولكم مـــــــــــــــا لقيته
__________________
على كثر الكلام وكثر مـــا قبل الكلام جروح سكت, وما لقيت الكلمتين اللي على بالي أخاف ان قلتها,ما قلتها, وان قلتها بوضوح... توسدني ملامات الرفيق وشرهة الغــــالي مساعد الرشيدي |
|
|
|
11-24-2009, 11:55 PM
|
#2 |
|
mٌٍِOٌٍِOٍِْn
تاريخ التسجيل: Jul 2009
المشاركات: 5,746
|
يعطيك العافيه ولا هنت
__________________
|
|
|
|
|
01-08-2010, 06:58 AM
|
#3 |
|
المراقب الـعــــام
تاريخ التسجيل: Dec 2008
الإقامة: الرياض
المشاركات: 5,172
|
راقت لي مثلما راقت لك اخي الكريم
__________________
|
|
|
|
 |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 زائر) | |
العرض العادي
|
|