كيف تصطادين المعرس؟؟؟؟

اول شي اوبارك لكم في افتتاح هذا القسم الجديد

كيف تصطادين المعرس دون اللجوء الى الاساليب السقيمه من المغازلات والترزز في الاسواق...ألخ

=اهم شي نشني على العجوز الي حاطه عينك على ولدها ثم نفذي مايلي:

1-خليك مع امك ولاتروحين مع البنات وتتهيبلين اصبري عنهم كم شهر لين تتم العمليه.
2-امشي وانتي حاطه راسك بين كتوفك ولاترفعينه ابد حتى لو عورك خلي الفكس في متناول يديك.
3-كلمة خاله دايم خليها على لسانك خاصه لام المعرس عشان تحس بنوع من التميز عن باقي العجايز.
ملاحظه:
لامانع تنادين عجوز ثانيه بخاله عشان اذا مانجحت الخطه مع نبر ون تنجح مع نبر تو"الاحتياط واجب وانا اختك"
4-اذا بدت امك تتكلم انغزيها تدخلك في السالفه حتى لو مالك داعي تطبيقا للمثل (كثر الدق يفك اللحام)داريه المثل ماله داعي بس مالقيت غيره.
5-اخوانك الصغار لاحقيهم وطامري معهم وين مايروحون حتى لوماهي عادتك بس تصرفي معهم كأنك امهم عشان العجوز تاخذ عنك فكره انك حريصه على ذريتك .
6-كل ما اكلت امك اكله زينه خليها تقول:نفس الاكله اللي تسويها بنتي حتى لو الاكل من مطعم صيني او مكسيكي .
7-اذا جيتي بتمدين يدك توجعي وخلي امك تقول:قايلتلك وانا امك ماله داعي تنضفين جدران البيت الخارجيه <اقول نظفي غرفتك بلاول الي تقولين ثاير فيها قنبله ذريه>.
8-اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق نتكلم عندها (بس لاتكتمي نفسك مره اخاف تروحي فيها واصير قتلت نفس بغير حق).
9-مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطه .
10-شعرك افرديه لاتخلينه طاير ولا تجعدينه مهما كانت الموضه لان العجايز مايدورون الا اللي شعورهم ناعمه.
11-اذا ادلت العجوز <ام المعرس المتوهق>بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي .
مثال:تقول العجوز:متقهوي بوش البارح عندنا
قوليلها :وليه ماعلمتينا يا خاله نجي نساعدكم ؟!
12-في العروس اضغطي على نفسك واقضبي ارضك ولاترقصين واعتبري الرقص عيب وشق جيب .
13-اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.
نروح للمعرس اللحين:
1-اهجدي في البيت ولاعاد تطلعينواذا جا المعرس بيشوفك خلي ابوكي يقول:والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني (ايه هين يالشايب والله لوبيدك كان تحط مكانها باسكال مشعلاني).
2-قبل يجي اليوم اللي بيشوفك فيه بحوالي اسبوع او اكثر (حسب شين)طامري من صالون لصالون صبغ فرد تنظيف بشره 00ألخ.
3-اذا جا المعرس خلي اخوكي يوقف جنبه عشان مايطيل التبحلق ويبان المستخبي وذلك تطبيق لنظرية (اللمحه ذبحه).
4-في نهاية المشهد خلي ابوكي يقول:معليش وانا عمك ترى البنت شوي محيوسه (معليه يالشايب تنصب عالمسكين).
وبها اللحظه الولد بينط على راس الشايب ويبوسه لين يشفط مخه ويقول متى العرس ياعم؟؟؟

(تحذير مهم جدا")
*ابتعدي عن امهات العيال راعيات الشنطه نفس لون الجزمه هذولايبيلهم خطط بعيدة المدى....

ههههههههههههههههههههه
حلوووووووووووة مرة
دايم أحب أقراها

بس من جد نفسي أسأل سؤال

يعني معقولة فيه بنت تسوي زي كذا مو بالتمام

يعني تحاول تسوي نفسها أخلاق قدام أم العريس اللي ودها فيه


مشكورة يالماسة ياهلا فيك

مشكوره قلبي على مرورك
بس اقولك هذي الايام لاتستبعدين شي
يمكن وحده تروح تتهيبل وتسويها هذا
اذا ماقامو عليها العجايز كلهم
لا اوصيك روحي سويها وعطيني الخبر وش بيصير..
لاتصدقين عاد وتجين علي ملزقه من كل جهه
تقبلي
تحياتي
اختك
لمعــــ المآسه ـة

الله يسعدك مرررررررررررره افدتيني
بعمل له نسخ وبرسله للمحبين
الله يعطيك العافيه و يهب لك الزوج الصالح اللي تتمنينه