يا بنات أهل الحسب وأهل النسايب

هذه قصيدة للشاعر مقيت القحطاني وفقه الله ( نبطية ) وعذرا للإخوة والأخوات إن كان هناك بعض الكلمات غير المفهومة
القصيدة موجهة للنساء بشكل خاص

يقول الشاعر مقيت القحطاني وفقه الله :

أطلـب الله وألتجـي لله تـايـب
من خطايـاي الثقيلـة والخفيفـه
يا معين اللي يخاف من العقايـب
أنت ملجاي من الأيـام المخيفـه
يا عضيد اللي يسـدون النوايـب
في نهار يذهـل العالـم رجيفـه
يا ملاذ اللي يشوفـون الغرايـب
في زمان المنكرات بكـل شيفـه
يا منشي من ثقال الماء سحايـبب
رقها يوحش هل الدنيـا رفيفـه
أنت عـلام السريـرة والسبايـب
وأنت حلال العصيبـات الكليفـه
بعدها حثوا بنا ممشـى الركايـب
ودي أزين لـي بيـوت طريفـه
استهاضت هاجسي نود الهبايـب
يا بنات طبـع أهاليهـم شريفـه
اسمحي لي يا بنيّة كـل شايـب
ودي أنصح كل من مثلك عفيفـه
لا يغرك مـن يسميكـم حبايـب
ويتقـرب بالسواليـف اللطيـفـه
ينتقي بعض العبـارات اللبايـب
ويتتبعهـا بالأصـوات النحيفـه
يدعي حبك وهو يا بنـت خايـب
مقصده تبقين بين النـاس جيفـه
مقصده يجرح شرف بنت القرايب
ثم بعدهـا كـل يفـارق وليفـه
ما يجبّر كسرها السمع الصبايـب
لو تموت وهي مدامعهـا ذريفـه
وش نعدّ من المشاكل والمصايـب
في الخساس اللي مذاهبهم كسيفـه
يا بنات أهل الحسب وأهل النسايب
احذروا من صاحب النفس الضعيفه
كيف ترضن الهزيعة والغلايـب
وأنتم اللي صحفكم بيـض نظيفـه
وأنتم أهل الستر مضفين الحجايب
كنزنا اللي حيّر أعدانـا وصيفـه
أطلـب الله وألتجـي لله تـايـب
من خطايـاي الثقيلـة والخفيفـه

أطلـب الله وألتجـي لله تـايـب
من خطايـاي الثقيلـة والخفيفـه .... آمـــــــين

صح السانك ... والسان راعيها .....

مشكووور ويعطيك العافية ....

بالتوفيق للجميع

لقد نصح الشاعر فأجاد النصيحة جزاه الله خيراً . أبرأ ذمته من منكر يراه .
جزاك الله خيراً على النقل يا وادينا الأخضر.

فالك المليون
فالك المليون

فالك المليون
فالك المليون


فالك المليون