10-03-2011, 10:52 PM
|
#1 |
|
عضو ادارة المنتدى
 
تاريخ التسجيل: Mar 2009
الإقامة: الـــســــعــــــــــــوديــــــــــــــه
المشاركات: 3,030
|
...::خلــــــــــــــوهــــا:::... من روائع سعد علوش ..
قصيدتـي هــذي خطـيـرة مثـيـره لله وللتـاريـخ ولـكــل هـالـنـاس ولهالحـيـاة الـزايـلـة والـمـريـره وأللي مهـوب لـذروة الفكـر عسّـاس ينظـم لأصحـاب النفـوس الكسـيـره الله الأول قـبـل لـفــظ الانـفــاس عـز وجـل مـن الظنـون الصغـيـره ما مثـل مثلـه مثـل ولا لـه أجنـاس يخـلـق مخـلـوق ولا يستـشـيـره أذل له وانصـاع لـه وأحنـي الـراس أللـي جعلنـي مـا اعبـد ربٍ غـيـره عساه يكسوني مـن السنـدس ألبـاس في يوم يعـرى بـه الأميـر والأميـرة شاعر وذنبي غيـر وسكوتـي أجـراس ونفسـي علـى مالله عطاهـا فقـيـره من كثر ما أعطي حب واخلاص واحساس أنا مـا عـاد أعـرف وشلـون أصيـره في عقلـي الباطـن عقيـده ونومـاس وفـي واقعـي خـوف وتـردد وحيـره هل يا ترى ببني علـى حلمـي أسـاس أم يـا تـرى ببقـى علـى هالوتيـره؟ والافلاس ماهو أفلاس من حلم الافـلاس إذا مـا تمـلـك لنفـسـك بصـيـره! مـا خلـق شـي ٍ إلا بقـدر ومقيـاس مـا شـي يغلـب شـي أو يستعـيـره أللي خلق خوف وخلـق ضيقـة ويـاس خلـق أمـن وأفـراح وحـب وبريـره لـذلـك الله لا يولـيـنـي أنـجــاس ويكسونـي بفضلـه ومـنـه وخـيـره الرب إذا تحتـاج لـه صـرت نبـراس والإنسان إذا احتاج لـه صـرت أسيـره والناس ناتـج نـاس استلطفـوا نـاس أبنـاء رغبـة واستهـامـه وغـيـره لولا التلاطف وأللي مـا بيـن الأقـواس مـا شفـت هالعالـم شفوحـه غفيـره نـدور ويـدور بنـا كــل هـوجـاس ومـن أجـل ذلـك روسنـا مستـديـره الكـل تايـه فـي مصيـره ومحـتـاس وماهـوب هـو أللـي يحـدد مصيـره فيا ليت مـا تنسـى الذواليـق غـراس ومـا ينسـى مجـرى الميـاه وخريـره أعلم أللي عـاث مـن بعـد مـا جـاس تـرى الجهـل راس الأمـور الشريـره الإنسان لو يملـك مـن الجـن حـراس أحقـر ذبـابـه قــادره تستثـيـره ! وين الملوك أللي على أقبـاب الافـراس راحـو وخلـو المغـريـات الكبـيـره هالأرض ياللي يرجـل النـاس تنـداس بواقـي ابـن داؤد وابــن المغـيـره الله يلعـن كــل مـشـرك وخـنّـاس والله يلـعـن هالحـيـاة القـصـيـره صغـيّـر الادراك وصغـيّـر الـبـاس يشـوف كـل النـاس مثلـه صغـيـره يا قلـب بـرّد كـل مـا هـب نسنـاس مـا دام هاليمـنـى نـديـه جـديـره يفـداك مـن رزقـه قتـات وتـمـرّاس لـولا رئتينـه مــا طـلـع زفـيـره شفـاه مـن طـرد المـلـذات يـبّـاس وهـو علـى عـد الــرواة وغـديـره حديثـه فمـا قـال حـمـزه فعـبـاس مـا حـدّث لمسلـم عـن أبـو هريـره العمر فرحـه وحـده وعشـرة أتعـاس ومـن لا يجيـره خالقـه مـن يجيـره ومن عاش شاف وكـل غبـه بغطّـاس والصـدق خيـرة مذخرتـه الذخـيـره كل ما اكتشفت من الأصاحيـب بـلا ّس أقـول يالله جـعـل فـالأمـر خـيـره خيره تعرف إن به من أصحابك اخسـاس خيـره ولكـن يـا عساهـا الأخـيـره أقسى جـروح النـاس تغلبـه بنعـاس مـا يذبـح الإنـسـان إلا .. ضمـيـره بعض البشر مثل ابتسامـات الاعـراس علـى كثـر ماهـي مثيـره ضـريـره وحيد ولا عندك مـن النـاس جـلا ّس أخيـر مـن شـر الـكـلام وسعـيـره والكل ما يخلـو مـن أخبـاث وادنـاس في كـل نفـس ٍ هنـاك حاجـه حقيـره فمن قبل لا سوي مشاكـل مـع النـاس عنـدي مـع نفسـي مشاكـل كثـيـره \ / \ صح لسان الشــاعر سعد علوش .. عجبتنى / ونقلتها لكم /5/11/1432
__________________
واخـــــــــــضــــــــع لا مـــــــــك وارضــــــــــهــــــــــا فـــعـــــقو قــــهــــــــا إحــــــــــدى الكــــــــبـــــــــــر |
|
|
|
10-11-2011, 08:13 AM
|
#2 |
|
مشرف مجلس الصور
تاريخ التسجيل: Jun 2006
الإقامة: السعودية
المشاركات: 1,069
|
وأنت ايضا ً صحت يمينك ابا سعيد على نقل القصيدة .وانا مثلك اعجبتني .
__________________
|
|
|
|
|
10-11-2011, 04:52 PM
|
#3 |
|
عضو ادارة المنتدى
تاريخ التسجيل: Mar 2009
الإقامة: الـــســــعــــــــــــوديــــــــــــــه
المشاركات: 3,030
|
مشكور على المرور يا بو فهد مع التحيه ::: 13/11/1432
__________________
واخـــــــــــضــــــــع لا مـــــــــك وارضــــــــــهــــــــــا فـــعـــــقو قــــهــــــــا إحــــــــــدى الكــــــــبـــــــــــر |
|
|
|
 |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 زائر) | |
العرض العادي
|
|