جا يعيرني
جا يعيرني يقـــــــول انتي متين ------ حلقك المفتـــــوح لازم نغلقه
هيـه يادبّــــــه لـــــزوم تخفّـفين ------ والا اثوّر فيك عشــرين فشقه
وفي رجيمـي استمريت سنتين ------ جدي اللي مات قاربت الحقه
ويش رايـك ؟ قلتها بصـوتٍ حزين ------ قال دبّـــــه وانقـلبتي لسلقه
---------------------------------------------------------
عرف الشاعر حنيف بن سعيدان بنهمه الشديد بالقهوه حيث لم يكفه 15 فنجان
ذلك اليوم حتى تأفف منه مستضيفه قائلا:
خمسة عشر فنجال لحنيف صبيت
..................... لو كان بطنه قربةٍ قد ملاهـا
فرد عليه حنيف قائلا:
لاتحسبني من دلالك تقهويـــــــــت
..................... ماتنقه الشراب من كثر ماها
ياموصّي الحرمه على صكة البيت
..................... تقول ماانته فيه وانته وراها
-----------------------------------------------------------------
وهذا شاعر يقول:
يابنت انا ماني براغب علامــــه
................. او راشد الماجد جميل المـحيّا
الله حرمني من الحلا والوسامه
................. لكن بخفة دم مرهـــــــــي عليّا
وابوك مزعجني بكثرة كلامــــــه
................. ومطّلعٍ عيب المخاليـــــــق فيّا
من يسمعه يحسبك فاتن حمامـــه
................. مايدري انك غصب صرتي بنيّا
-----------------------------------------------------------
ناديت بإسمك وأنا مع زوجتي راقد
********* حتى ارفستني على بطني برجليها
وسويـّت نفسي مثقف واعي وناقد
********* وأقول عادي مصير الوقت يرضيها
ويوم اكفختني طراق صحت أنا حاقد
********* الله يلعن غلاك ويكسر ايديها
-------------------------------------------------------
مرحوم يابس على الخط مدعوس
سنه صغير ولا تهنا بشبابه
راح يمشي ساهي الفكر والهوس
وجاه المراهق من قريب وصابه
أسباب دعسه مسك الخط معكوس
يا ويل منهو دعسه من عذابه
خلاه فوق الخط مرمي ومعفوس
واخذ ثلاث أيام محدا درا بـــه
قبل أمس بالمطعم مبسط ومأنوس
واليوم عند الله يصفي حســــابه
بس وسيم تغازله كل عاروســــــــــــــــــــــ
كم بسه طقة على أبوه بابـــــــــــــه
وفي موتته تجمع كومة بسوس
ينعون اللي لالقى فار جابـــــــــــــــــــــــــــــــــــــــــه
أمه تنوح ويومها صار منحوس
وأبوه من فقده يشقق ثيابـــــــــــــــــــــــــــه
وشيخ القبيلة تحت الأحزان مكبوس
ودمعه على خده يزيد انصبابـــه
-------------------------------------------------
فكـــرت مرّه اســـــرق البنــك واعتاش --- وصممت من قلبي انفذ قراري
وجهزت نفسي في مسدس ورشاش --- ثم استعديت لجميــع الطواري
لكـــن قبل لا اســـــرق البنك وانحاش --- احترت بين المركـزي والتجاري
-----------------------------------------------------------
08-04-2006, 12:37 AM
شعر فكاهي ــــــــــ صفحه خاصه ............!!!
العرض العادي
