المشكله مو في غلاء المهور حقيقه لكن في الرمم اللي طالعين ويبغون بعد يتزوجون ويفتحوا بيوت الواحد لو تعطيه دجاجه يربيها ضيعها من اول دقيقه وتشوووفون باعينكم اش شباب هالايام وش هم عليه لكن مانقول الا ربنا يهدي الجميع :mrgreen: :lol:

فعلن المشكله ليست في غلا المهور المشكله في النعرات وكل واحد يقول انا حسن من الثاني لدرجة ان الاغلبيه لايفكراصلن في الزواج من بنات الجماعه مع انهم يدفعون مهور اكثر 70 او80 الف لبنت من خارج الجماعه بينما اغلبية الجماعه يتمنون ان يزوجو بناتهم من شباب القريه حتى لو يفون المهر من جيوبهم وتكون بنته قريبه منه ولا كن الضاهر ان جميع امور الزواج اصبحت بيد الحريم فهن من يقررن وينفذن وعلينا ان نبارك فقط

أظن لو في تحديد المهور خير لنا لكان الرسول حددها.
وأنا أشوف ان المهر يكون على حسب قدرة الشاب وأهله، يعني تخيلوا شاب بطراااااان وأهله مدلعينه (حشا بنت) وطلبناه 30000 والله انها ماتسوى. شوف انت إذا شريت شي رخيص اشلون بيهون عليك ترميييييييه. ولازم الشاب يكد ويتعب عشان يجمع المهر عشان يدري ان هذي البنت ما جت بسهولة وانه مو كل مابغى ممكن يعيدها ويتزوج ثانية وثالثة (حشا لعبة). وأنا معكم في ان الشباب اللي ما عندهم ممكن نراعيهم شوي، باختصار مثل ما قلت على حسب قدرة الشاب.
والتكااااااليف وما أدراك ما التكالييييييف!!!! انتم تدرون انه من يوم زيادة الرواتب كلللل شي سعره ارتفع ، وبعدين البنت بتروح غرفة فااااااااااضية يعني كل اللي كانت تشتريه على مراحل في بيت أهلها لالازم تشتريه دفعة وحدة من ملالالابس ومكياااااااج وعطووووور وذهب (عاد أسعار الذهب هالأيام شي ثاني) وبطانيات وشراشف وأحذية وشنط وأمشاط وكريمات وعود وبخور (أعدد وش شرينا في جهاز أختي :mrgreen: ) ...........إلخ

ليش ماتشوفون مهور العتبان
فوق 130000
مو بناتنا الماسكين تبون تعطونهم 30000 :!: :!:
بالله وش تكفي
الولد يبي بنت حلوه ومزيونه يدفع الله لا يهينه
يبي يدفع 30000 ياخذ وحده على قد فلوسه



وبدل مهزله شباب هاليومين فاتورة الواحد فوق الالف
وسفريات وسهرات واسترحات
ليه مايوفر فلوسه ويجمعها ؟؟؟
عشاان مستقبله
مو يفلها
وبعدين يقول ماعندي؟؟؟؟؟؟؟؟؟؟




ــــــــــــــــــــــــــــــــــــــــــــــــــ ـــــــــــ


ليه بدل الفشخره الزايده في حفلة الزواج
تنضاف التكاليف للمهر
وحفله صغيره لاهل العريس والعروسه
ومن غير توسع؟؟؟؟

ياعمى ثلاثين الف مو بطاله
نزوجك وحده سوريه ووحده مصريه ووحده لبنانيه
يوم تبوله ويوم كشري والثالث تقبرنى وتشكل ماادرى وش يقولون المهم تصير الجمعه اجازه



:!: :?: :cry: :( :shock:

عـــــــــــــاد لا تبالغون..
في سؤال اليوم اللي عالاخبارية..
جا سؤال يقول:
إذا جا واحد تقدم لبنتك كم تطلب مهر لها؟؟

والله يا عالم أجوبه تشيب الراس::
واحد يقول حسب
والثاني يقول: آيه من القرآن
والثال: ريال ومصحف

أوكي قرآن وآيه على عيني وراسي
بس مو مهر لبنتك
بنات الناس مو لعبه..

واالله أنا بحفظ سورة الإخلاص عشان أكون مخلص معاها وأسمعها ومعي ريال لأبو العروسه ويعطيني بنته..
ملطشة هي؟؟
المهم نرفزتني أجوبتهم مررررره


بس أنا عارفة في النهاية إنه إذا جا وقت الجد تنقلب الأحوال










الله يحفظ بناتنا و عيالنا ويستر عليهم (أمنوا)