|
تغير الوقت
بسم الله الرحمن الرحيم
السلام عليكم ورحمة الله وبركاته أحيانا تجد أنك تميل بشدة لشخص وتظن أنك وجدت ما تفتقد من معاني الإنسانية به, ولكن تكشف لك الأيام غير ذلك. نصيحة للجميع, إذا رأيت من أحد مودة فحافظ عليها. كنت احسب انّك شمس في ليلي اشرقت واثرك ذيـــــــــــابه وسط ليلي تعـــــــــــاوت ذقت الحلا منّي ومـــــــــــــــــــــــرّك تذوّقت فيك القســــــــــاوه والجهــــــــــــاله تخاوت الا من بدعت الشعر لاجلك تضـــــــــــــايقت كل(ن) بمفهومه وعلمه تفـــــــــــــــــــــاوت غرّب وانا من بعدك اليــــــــــــــــــوم شرّقت جروحــــــــــــــــــك اللي وسط قلبي تداوت لا تحسب انّي لك على مــــــــــاضي الوقت مكـــــــــانتك من كثر صدّك تهــــــــــــــــاوت ولاتحسب انّي في غيــــــــــابك لك اشتقت قربك وبعدك يـــــــــــــــــا (المقفّي) تساوت |
الله يعطيك العافيه
|
أولاً: الله يصبحك بالخير ومن يقرأ
ثانيا: وش الذي سمّرك إلى حوالي الساعه 3 ؟؟؟ ثالثا : يعلم الله أني فتحت الجهاز وإذا بك قد تركت موضوعاً , وقد إستغربت غيابك يعلم الله ولكن الأسبوع الفائت كنت مشغول ولا زلت, وظننت الناس كلهم مثلي والسبب أن الراعي (النعيم ورحيمه) جانا من السودان(قل فرحنا لك بالعقيله) ونحن الأيام هذه من مكتب العمل للجوازات للزراعه من شأن إستخراج إقامات لهما ويعلم الله أنني كرهت شيء إسمه إستقدام عماله , من كثر ما واجهت من عقبات , والله يهيء لنا فرجاً ومخرجًا . جاني جوابــــك ويعلــــــم الله لـــــفرحت إنك بخــــــير وإنــــــك اليــــوم ســجلت الناس يالشـــاعر عــــلى مـــــثلما قلت ناس(ن) ذهب والغالب أزفت من الزفت وقلب(ن)معا غيــرك وفـــــالوجه لك إنت يفرح بهمك لــو تساهمت وخــــــــسرت إلا الصديق فــلا تبـــيعه ولـــو بــــــــعت مهما (أ)دفعوا لك لا تقل إنك (أ)ربحـــت خل المقفّــي لا تلـــومه مــــع الـــــوقت يرجع لك أســـرع مالـــهوا لـــو توقّـــعت |
الأخ AAALSHAAER
الأخ ابــــا ســــــعد السلام عليكم ورحمة الله ولركاته أجدتما أيها الفارسان في قولكما يعطيكم العافية . العمـر يمضي مسرعا واحسب الوقت يا حظّك الكسبـــان لا مـا تلوّعــت حسن العــلاقة ثابتــة لو تنــدمــت اعرف علــومك كلها لأ شـــــمعلّـت اعــرف صـدودك دائـما لـو تعـــذرت اســـهر معك طـول الليالي لو سـهرت في حـب ليلـى قيس هـو ضيّع الـوقـت حـال الــزمن يا صـاحبي لـو تحسّـرت خســـارة كـبيرة ربمـا انت لـو بعــت ســاهم وانا اســاهم معــك لو تقرّبت ــــــــــــــــــ |
موفقين
بارك الله فيكم إنما برضه التفاؤل طيب وسلامتكم |
بسم الله الرحمن الرحيم
السلام عليكم ورحمة الله وبركاته حياك الله يا عبدالله, والله يعافيك. ابو سعد, الله يصبحك ويمسيك بالنور والسرور ومن يقرا, تراني نادرا ما اسهر, لكن صحيت اخر الليل, ومثلك يعرف كيف تسيطر الأفكار أحيانا على الواحد بدون رضا أو رغبة. والله اني دخلت وانا أتمنى أن أقرأ لك رد على قصيدتي البسيطة. (دمت لأخيك). ابو عبدالله, الله يحييك, بس لا تبعد. بصيد المعـــاني ياعلي ما توفقت والمعرفة والعقل عندي تقـــــاوت لا تحسب اني في غرامه توهقت ولا هي محبــة وسط قلبي تلاوت المشرف العام, هذي ما فيها تفاؤل وتشاؤم, هذي وصف لموقف, الله يحييك ويشرفني مرورك. |
المشرف العام, هذي ما فيها تفاؤل وتشاؤم, هذي وصف لموقف, الله يحييك ويشرفني مرورك.
****************** اقتباس:
هذا مافهمته من بيت أبي سعد والذي أيد فيه ماذهبت إليه في الشطر الأول بدليل الشطر الشطر الثاني >> (.... والغالب أزفت من الزفت).. وربما يكون المعنى في بطن الشاعر؟! والله أعلم.. |
يقول المثل :
(( اللي مايعدّك مكسب لاتعدّه راس مال )) يعدّك : يعتبرك والاصحاب تظهر معادنهم عند المواقف ... فيه معدن ذهب اصلي ( نادر طبعا ) والغالبية ( فالصو ) - كانوا يسمونه ( توت ) 0 |
| الساعة الآن 01:07 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ