|
يــــــــــــــا قلب
كم فيك يا دنيــا العـــــــنا والـــعنا مــعنا
كم قد شكــينا ولا مــن حـــد يســــمعنا غير الــذي ســاعة الميــقاف يجـمــــعنا نُعْبُر شـكاوى وهــو حــلال مــا فــــــيها يا قلب خلّك كبيــــر الــــقدر ومـــــطاوع حتى متى وإنت تبــــدي لــــه وتتشاوع ما دام تعـــرف عــــنـــه كــــذاب وملاوع هيهات لك خاطره يــــصفى ويصـــفيها اللي هَجَــرْك أتــركه قـــل لا تجي معنا حتى ولو فــرقتـــه تــذبــح وســم عَــنَا الموت واحــد ودرب الـــــحشر يجــمعنا كل(ن) بصفحات فيـــها ما أنحصى فيها ياقلب طع شور من يبغـــــى لك الخيره ماهو الذي عيّشك بالجـــبروالحــــــيره سلم أمــــورك لـــذا تجــــــري مقاديره الخـــــالق اللــــي أمور الغيب مخفيها يا قلب وش عاد ترجي من قليل الرشد ذا يفتكـــر انه السيــــد وإنـــت العــــبد وإذا مشى ما رضي يمشي بجـنبه حـد لا تنتــظر حـــاجــةً ماهـــو بمقضـــــيها قالــوا مَثَـــل من زمن ياليــــت تدري به اللــي يبيـــعك بعـــه تسلـــم عذاريـــبه والعيب إلى عاد طــــبعه ويش تبغي به النار تحرق رجـــول اللـــي وطـــي فيها التكمله عند الشاعر وأبو عبد الله |
بسم الله الرحمن الرحيم
السلام عليكم ورحمة الله وبركاته يابوسعد طيبك النــــــــــــادر لنا ضاهر يدوم عزك لنـــــا يـالوافي الطــــــــاهر في البدع والرد واوزان الشعر مـــــاهر والاوله لك ومثلك دوم راعـــــــــــــــيها الصدق يا صــــــــاحبي منجاه للصادق والكذب يشبه لواحد في الزمن سارق لالا تقل صــــــــــــاحبي وانا منه واثق تدري ببعض البشر تعكس خـــــوافيها مـــــــــا يعلم الغيب غير الواحد الباري اللي خلقنا وحكمه في البشر جــاري اللي أمــــــــــرنا نغض الطرف ونداري والنفس ربي يهدّيهـــــــــــــــا ويهديها |
وعليكم السلام ورحمة الله وبركاته أشهد بالله أن كلامك يدخل القب بلا إستئذان ...وتفهم كلامي...لالا ليس كلامي وإنما تلميحي والله أنك غريب قريب. لمّاح يالصقر مـــثـــــلك فالشــــعر غايه أنت الذي فــــــاهم(ن) هرجي ومعنايه والنصح منــــــــك أقبله وأحفظه بعــنايه لجل النصـــــــيحه من الغالي نثق فيها قالوا الزمن لو بغى حكمه ترى قاســي كم هد ناموس مــــــن علياه للساسي نقّض حجاره وقــــــــطّع ليف وأمراسي المــــلك لله وهــــــو بيــــديه بانــــــيها سلم بكل الــــذي قـــد صـــار لك تسلم الراي لك لا تفــــل حــــــجاج وتصـــمم أحيان بيعة خســـــــارة تصـــبح المغنم والتين لا تقطـــــــفه بيــــديك يـــــدميها |
السلام عليكم ورحمة الله وبركاته
حياتنا كانت سنينا بلا معنا الكل يرزم له قنوتا وله معنا نرجع لرب واحدا عنده المعنا هو الحكم حاكم الحالات صافيها يا صاحبي بالخطأ انصحك ماتطاوع خلك مع المعتدل في العدل متشاوع والبخل لا تقربه حراق وملاوع وان قال هيهات لا تقرب لياليها خلك قوي في المحبّة صدق في المعنا خذ راي عاقل معك ينفعك واشم عنا في مشهد العيد عيد الفطر يجمعنا في بير ابو ورد الله من حصى فيها سعيد مرزن شـويرك يالله الخيره اذا نزلت المضيلف سرت في حيره في المزرعة نشرب الشاهي مقاديره خيمة في المزرعة عمدانها فيها في الكيمياء جابر بن حيان زارابن رشد بحث معه بعض حالات البشر لين عبد تجارب الكيمياء تجرى ولا فيه أحــد في السلم والحرب ما نبغى تواليها تدريبنا يختلف واش لون تدريبه الى قربت الهدف ما في الحذا ريبه ركّز على الباب خل الحارس يجيبه مبروك والا الدعيّع شات راعيها من كثر الاهداف يابو سعد ضيعنا اهداف مالمنتصف تجري الهوى معنا مدرب الخصم قال الميدان يجمعنا الارض تلعب لنا احيانا باهاليها يقلون في مدركه يابو سعد بنّو عقوم تحوّل السيل في جوره لعلّه يعوم الأودية ذي على دربه عليها غيوم لربما واصل الى خليص يمسي بها الهجر يا كل صاحب زادك الا عنا غيّر سلوبك مع الصاحب وخل العنا لاجيت سبتان يالنشمي فدوّر لنا نفرح وتفرح لنا يالضيف وتدري بها احترت في قول صاحب لي وبالخيره جتني علومه سريعة وانا في حيره ان جيت احلل علومه سبقها ديره علوم بعض البشر تخفي معا نيها تهامة سعيد والبدران خير ورشد ما في المضيلف قهاوي مثل قهو العبد تساوت الناس واصبح واحدا مثل حد الستر دائم على ناوان بمن فيها العلم ذا كان مخفي وانت تدري به في جبر والا الثلاثاء بالخفاء ريبه وذا من القرن جاء واش عاد نبغي به يا رب يا مصلح الاحوال تغليها ـــــــــــــــــــــــــــ |
السلام عليكم ورحمة الله وبركاته
ابو سعد لاعزم والشعر ما هو غايه AAALSHAER الصقر له قيمة ومعنايه له عند نظم القصيد ترتيب بعنيايه ابو سعد محتوي الساحة بما فيها قاضي في المحكمة حكمه طلع قاسي قد قال فيصل عبارة الفاسي كالساسي زعل ورفّس وقطّع حبل وامراسي الله ذا مالك للأرض وما فيها الضعف ساعات يفرح لك وتستسلم والجد شد العزم وبرايك تصمم بيعة في الدّرب جت بالربح والمغنم عمدة في السوق يثنيها ويدميها ــــــــــــــــــــــــ |
بسم الله الرحمن الرحيم
السلام عليكم ورحمة الله وبركاته يـــا صقر يا حر ياغــــــــالب على جوّي لولا النصيحه من الصـــادق وش اسوّي الكذب في ذا الزمــــــن سيطر ومتقوّي الله يحفظ لنــــــــــــــا الصحبه ويحميها يـــــــــا مرحبا يا علي في جونا الماطر ابدعت في الشعر لك من طيبة الخاطر هـــــذي صنوف البشر محروم ومخاطر ودي تعـــــــــــــلم علومك وانت توفيها كم عاقل(ن) صــــــاح مما صار من خلّه يا من شرا من حلال المـــــــال له علّه ودّي نعلّم صغــــــــــــــــير السن وندلّه يعرف طريق الوفــــــــا والدين يمشيها |
وعليكم السلام ورحم الله وبركاته
الله يصبحك بالخير إنت وآبو عبد الله ومن يقرأ الساعه الرابعه ودقيقتان.....إذا أنت من الشرقيه أو الرياض وأغلب الظن الثانيه. العلم نا خـــذ منــــه إن كــــان ويـــليكـم واللي مشى قبلـكم يتـــعـب وبــــــيليكـم والثوب ما نلبسه إن كـــان مـــــــاله كــم يا لابسين التـقــــى يـا لـبـس يحـلـيـهـا خلك من أهـــل الدُّنا وأتـــبع هــل الدينـا دنيا العنا عنـــدهم مـــــا تســـوى مدينا ماهو الذي دينــــهم جـــــــمع الفدا دينا والرزق ما قـــد كتــــب والعمر يوفـــيها الله قسّم عقــــول النـــــــاس بحسابــه كل(ن) بعقله رضي والــــرزق عيا بــه بالله شفتم أسد يصـــطاد فـــــي غابــه غير الذي يشـــبعه أيـــام يقــــــضيهــا |
[color=#000000]السلام عليكم ورحمةالله وبركاته
كثرت صقور الفلا والمنخفض جوّي ابو سعد في خليص مدري واش مسوي ذيب في البر وعلى الرعيان متقوي وتالي الايــــــام بنـغرس عنــب فيها بالمنتخب كان يلعب ابراهيم مـاطـــر يســـجل اهــداف ما تاجي على الخاطـر انا متى رضيت عني اجيك بمخاطــر اسمع علومك صفا ياللي انت راويها الى مشى صاحبك في المرجلة خله الى طلب منك رد القول له عله اعرف طـــريق الثمامة زين وادله جنــــادرية بها ناصــــل وناجيـــــها ــــــــــــــــ[/ـــcolor] |
| الساعة الآن 01:50 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ